JEREMIYA 17:10 - Sumi Naga CL (Re-edited) Bible (BSI)

¹⁰ “Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

BAIBEL (BSI)

¹⁰ Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 17:10 Iomraidhean Croise

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

YEKIKITHI AKINIU 6:30

O kungo-a kungugha lono, ini tsüno akipimi qhitsülo, eno pütüta mlo Nono ithi akeu kiqi lono, panongu lau mla tsülo kughengu O likhi no timi kümtsü mlo ithi anike,

JOB 34:11

Kughengu milakhi kümla kiqi lono Pa no tsüchile nani; eno pa küxü laghi kiqi lono Pa no ajume tsünani.

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

LESHELE 44:22

Ikeghi O je ghenguno atsala kupuju ningu ghiqhi acheni; ghiqhiveni ye akeu mbe toi ningu peitha cheni.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

LESHELE 7:10

I züto ye Alhou gholo ani, Pa no amlo lo müzüchoi kemi xalu cheni.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

AHOLE 12:14

Milakhi saxü ye pa kichi lono pikeu shou bepe ani, milakhi no mla püakeu ye pa lau ideighi cheni.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

YETSAPIU 9:3

Khetsünhe qholo kiu shi ani keno kümtsü lo alhoksa ye hike: kümtsü lau atüqhüdo aphiphi ighi nani. Itaghi, timi no xüake tivilo pano kükümsü ye alhoksa eno anikha likhi, eno tithiu pano ye thive nani.

ISAIAH 59:18

Pa no panoqo kümla kiqi lono, lochile nani, axukighide pesü pa mjochile akemi ngo pa ghümi lochile nani; azüghi küdau akemi lau Pa no lochile nani.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

JEREMIYA 21:14

Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

EZEKEL 11:5

Ampeu Ghungu no I shou ikughive, eno Pa no I vilo pi, “Ampeu no ishi piani pilo: Israel laghami, nongu no kümsüju lo. Kughengu nongu kükümsü lo iloghi akeu thimeqo I no ithi ani.

EZEKEL 14:5

tishianguno Israelmi no pano julhoqo vecheo pano mlo I launo tsüghüsü wuve keu I no luchile luniye ke.

MICAH 7:13

Ikemu ayeghi ye tile küxümi kümla ghenguno pighive nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 6:4

tishianguno nono tsü akeu ye tuqhou vehu shilu nani. Eno tuqhou no ithulu chekeu o Pu no ajume o tsü nani.

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Rommi 8:27

Eno Khuu no timi mlo lheju cheni keno Pa no Aghungu kükümsü ye kiu keno ithi ani, kughengu Aghungu no küpülümi ghenguno Alhou pulou lono qhüiniju tsü acheni.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”