JEREMIYA 16:19 - Sumi Naga CL (Re-edited) Bible (BSI)

¹⁹ O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

BAIBEL (BSI)

¹⁹ AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 16:19 Iomraidhean Croise

KUKAMI ATUGHIU 20:23

Syria kükau qholo kijemi no pa vilo pi, “Pano lhouqo ye atoghi lhou kehu ningu nguno akumtou kena. Ikemu nino panongu sasü aqa lono aghüshi aye, mtsüqheino pano nguno akumtou shinani.

LESHELE 18:3

I no Ampeu, khuu sheqhe küzü keno Pa ku, eno ni ye I ghümi launo xaluve.

LESHELE 19:14

I kichi lono piqhikeu tsa eno I mlo lo kümsükutho keu O zülo ikhikulupu shipelo, O Ampeu, I tuqu eno I xachilekuluu.

LESHELE 27:5

Kughengu aküküpna tsala lo Pa no Pa kicheqho lo I küghütshü nani; Pa no Pa phiki qholo I peküsü nani; Pa no atuqu shou qhemghai I süqhe nani.

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

LESHELE 62:2

Pa likhi no I tuqu eno I xakuluu, I liwo; ni ye ithave monani.

LESHELE 62:7

I xakulupu eno I juküvüpu ye Alhou lau bepe ani; I kumto tuqu, I süshokulu ye Alhou ke.

LESHELE 65:3

Kughou akipimi no ni mhoqhiveni keno Nono niw hekibide qhukimthe tsü cheni.

LESHELE 68:31

Egypt lono aküxü kivimi ighi nani; Cush no akimighi shi Alhou lau li u süqhe nani.

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 44:10

Khuu no ala shimla keu lhou julho mlaphe cheni kea?

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 62:2

Zion, shiyeqo no ow achipiu-mikucho ithulu nani, eno kükami kümtsü no o juküvü ithulu nani, no ye aje kithe pesü o ku nani, eno aje ti ye Ampeu no tsü nani.

JEREMIYA 10:3

kughengu timiqo khuaye ye ame kühae. Asübo lakhi aghasü lono thaqhi no külalumi no amüghü pesü ajulho mla cheni.

JEREMIYA 10:5

Pano julhoqo ye akukali lo aluthu toi, tipaqo ye atsa pimla; ala chemla kehu xapu masae. Tipaqo msa kevilo, kughengu tipaqo ye alhoksa shimlae, momu akivimu shimlae.”

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

JEREMIYA 17:17

I shithüghüi tsü kevilo; No ye I mhekiqi tsala lo I küghütshü-a ke.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

JEREMIYA 3:23

Kuchou no atoghi eno naghuto lo kümlaqo ye pishikiqhi eno aküighüpue. Kuchou no Ampeu ni Lhou lau Israel xakulupu ani.”

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

EZEKEL 11:16

Tighenguno pilo, ‘Ampeu no ishi piani: I no putou shiyeqo gholo panongu puwuve na, aghakhuqo lo panoqo kutholeve puwuve namu itaghi aghakhu khilehi panongu no wuve keno tilau ghi Ni ye panoqo lau achineki lakhi shi achenie.’

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

NAHUM 1:7

Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

HABAKUK 3:19

Ampeu, Alhou ye I kumto; Pa no I pukhu pe ashe pukhu toi shino akiqhe-a lo chewulu peke. Akighilebo pesü ale shikükau lau.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

Rommi 1:25

ti ye panongu no Alhouw kuchou vehu pesü akimki sasü küsükilive, eno Pulhoküsüu, khuu pülhapuju lo sheqhe aküzüpu keno, iyei, tishi pelo, Pa züqhulo pulhoküsü thime mlla eno huthu auve keu lono ke.

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”