JEREMIYA 15:9 - Sumi Naga CL (Re-edited) Bible (BSI)

⁹ Anga tsüni paza no miqemleive no ikiqivae; li tsala ye puchou shiaphi lono tsüzüvae; li ye akukujopu eno atichepu shivae. Achili aghi keqo ye pano ghümi zütakikihi lono ikiqive peni, ipi Ampeu no asheshu.”

BAIBEL (BSI)

⁹ Aza khuno pa nuli mitsuni puhave keno iluqive, atuthu shekukunoke. Li ghenguno pucho tsalaye zumoi keu shive; liye ajekusapu shive eno amlosa auve. Nongu itaghi puxupe aghikemiqoye ino aghumiqo pelo nonguqo pithive penani. Ni, AMPEU no piveake.”

JEREMIYA 15:9 Iomraidhean Croise

ISAIAH 47:9

Atüqhüdo kini o lau ighi nani paikhavi no atsala lakhi lono ighi nani; nono küdüu jeli peithaju anamu eno asakiqhi kumto anamu atianuli thive keu ngo chimemi shive keu küma ighi nani.

JEREMIYA 19:7

A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

JEREMIYA 50:12

shishe o za shikujove nani, li o punuu hu thaighave nani. Julo, Babylon ye shiyeqo gholo ashekhau shive nani, yenguyi, qhaighoi, eno asayeqha ilhouve nani.

JEREMIYA 6:4

“Li sasü aghü shinike kutolo; ithulo, ningu puchomta lono leni! Ni hasapuae, atsala ye ilo cheae, avela yekükhü ye kushuo shivae!

JEREMIYA 7:19

Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

AKUMLO 4:10

Küpüqhiyi kemi totimiqo no pano tianuli heqhipe lhoke; Iw timiqo nga kütsale akelo tino pano chuqupu shive.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

SAMUEL ATUGHIU 2:5

Khunono chhitoi ache keno asho ghenguno aqe qeuvae, ikemu akhüava shiche keqo no müzüthi movae. Anuhami no anu tsüni punuvae, ikemu khuu no anuli kutomo ache keno li ye ijuvae.