JEREMIYA 15:2 - Sumi Naga CL (Re-edited) Bible (BSI)

² Panongu no o vilo, ‘Ningu ye khila wuveni kea?’ ipi aye panongu vilo pilo, ‘Ampeu no ishi piani: “‘Püsa no ghaveni kemi no püsa, azütakikihi lono thini kemi no azütakikihi; püqümiye lono thini kemi no püqümiye, akughu lono thini kemi no akughu lono thi nani.’

BAIBEL (BSI)

² Kughou panonguno ovilo khilau wukepu kyapi inijuaye panoqo vilo pikeu pesu pilo:” Khamino ahakusashi kusukini lono thinikeu ani, panoqono tilau wu nanike! Khamino ahakusashi aghukishi lono thinikeu ani, panoqono tilau wu nanike! Khamino ahakusashi puqumiyekeu lono thinikeu ani panoqono tilau wu nanike! Kutamiye ahakusashi akughulo sawunikeu ani, panoqo no tilau wu nanike!

JEREMIYA 15:2 Iomraidhean Croise

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 24:18

Aküighüpu sütsa chilu kehu pove namu aqokutho lo ikiqive nani, khuana no aqokutho lono ipeghilu namu alichhe lono meluve nani. Kughengu atsütsü lashe ye khaqhi püani eno ayeghi boqha huno thüthüshi anie.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 14:16

Eno timi khunoqo lau panongu no tungkuptsa pi cheni keno tipaqo ghi püqümiye ngo azütakikihi no Jerusalem laghila lo vepheve nani. Panongu nipu momu apu-anga khunomu pano shiqhomo nani. Kughengu I no pano lhoksa pesü pano shou lepuku nani.

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

JEREMIYA 19:7

A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

JEREMIYA 43:11

Pa no ighi no Egypt leluve nani, eno püsa no ghaveni kemi no püsa lono thive nani, akughu lono thini kemi no akughu, azütakikihi lono thini kemi no azütakikihi tsüve nani.

EZEKEL 12:11

Pilo, ‘Ni ye nongu ghenguno amchipu ke: I no shi aketoi, nongu lau hipau shi nani. Panongu ye akughu shi haphe sawuve nani.’

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 33:27

Panoqo vilo hi pilo, Ampeu Alhou no ishi piani: I no xü aketoi, mtsüqheino khunoqo no kütsakungo keu-a lo küghüna ani keno azütakikihi lono ikiqi nani, khunono aluza lo ani keno I no tüghashiqo pelo tsüchuve penike tsüve nani, khunono sükusho-a eno atuki lo ani keno püsa lono thive nani.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:2

Leighi ke tsala kupuve kethiu mishighüna mta lono asa kikije küthü lo lakhi pesü ami no pitive lo. Kikije küthü lo lakhi pesü mishighüna vehomxa ghi azütakikihi no ghitha lo. Eno kikije küthü lo lakhi pesü amülhü lono küzale lo, eno I no panoqo papesü I zütakikihi ikhijo luveni.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

AMUS 5:19

milakhi no abongshuu launo poche kelaye ava sholu ketoi, momu aki lo ilo pa u no atozü bu kelaye apighi no mighi ketoie.

ZEKHARIA 11:9

Tighenguno I no pi, “Ni ye nongu kheu shimoae. Kiu no thiveni ye ani keno, thive peni. Kiu no kütsaveni ye ani keno, kütsave peni. Eno khunoqo achili shini keno lakhino lakhi phiashi chuve peni.”

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.