JEREMIYA 15:15 - Sumi Naga CL (Re-edited) Bible (BSI)

¹⁵ O Ampeu, Nono ithi ani; I kümsülu eno I xuju tsülo, I ghime akemi lau I mkhü lutsülo. Nono aghümi lau kutuu anipi I pelo thivepe kevilo; O ghenguno I thaigha akeu ithi tsülo.

BAIBEL (BSI)

¹⁵ Tileno ino ishi pi, “O AMPEU, nono ithi khavae. Ikumsululo eno kuphulo. Ipelo ishikighimeqhi chekemiqo shou amukhu lupelo. Panoqo lau shishe kutu-u auve puzu panongu pelo ipithive kulupu shipe kevilo. Kumsulutsulo, oje ghenguno iphimokeu shichenike.

JEREMIYA 15:15 Iomraidhean Croise

NEHEMIA 13:22

Tishino Sabbath tsala akimthe shi pini nike I no Levimi vilo pano shikimtheve eno wuno khaghoqo kheluve lo pi azah tsü. O Alhou hi ghengu ghi I kümsülu tsülo eno Ow iqemokeu kikimiye vecheo I pükhape qhitsülo.

NEHEMIA 13:31

I no asü kümllagho ngo amsüu xathi küma ghenguno kishekulu shi kutove tsü. O Alhou, akivi ghenguno I kümsülu tsülo.

NEHEMIA 5:19

O I Lhou, I no timi hipaqo ghenguno mla tsükeu I kivi kümsülu tsülo.

NEHEMIA 6:14

O I Lhou, Tobiah ngo Sanballat pama no hitoi shike ghenguno pama kümsülu lo, eno tungkupliu Noadiah ngo tungkupmi khunoqo I shikümsa niye shikeno panongu ghi kümsülu lo.

JOB 10:7

Kughengu I no akipimi kühakeu, eno khunomu O u lono xaphemla nikeu Nono ithi ani.

LESHELE 102:24

I no pi, “O I Lhou, I küxü mta lono ni ikhi süwuve kevilo, No ye tiqheli kümtsü lo pülhapuju ache nani!”

LESHELE 106:4

Kughou Nono Ow timiqo lau Ow kikimiye piyeni keno I kümsülu lo, O Ampeu; Kughou Nono panongu xaluni keno, I kuphu tsülo,

LESHELE 119:84

Khitohi O qeu ye kutuuni kea? Kughono No ye I pishipiyi akeqo lau küghathani kea?

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 39:13

I no cheve no kühave mphi lono I launo tsüghüve lo, tishiaye ni ye alovi kithelu nani.

LESHELE 44:22

Ikeghi O je ghenguno atsala kupuju ningu ghiqhi acheni; ghiqhiveni ye akeu mbe toi ningu peitha cheni.

ISAIAH 38:3

“O Ampeu, I no kishi O zülo pükhükulu eno amlo tsüqhiyi shi püzü O nhethe lo akivi shiche keno, kimiyeno kümsülu tsülo.” Eno pa ye amlo ghujushi qauve.

JEREMIYA 12:3

Ikemu O Ampeu, Nono ni ithi ani; ni ithulu eno I mlo peju cheni. Ambe ghiqhi niye aketoi panoqo sünhephe luvelo, eno ghikiqhi tsala ghenguno ikhithape qhivelo.

JEREMIYA 15:10

I za I punuu, I hasapue, aghakhu kuchopu lo mtomshu eno kütsala chekeu timi! Ni ye püna püamo, momu nalu püamoe, tishimu kümtsü no I ghusho ani.

JEREMIYA 15:20

I no o pesü timi hipaqo lau alazayi tupikiye shitsü nani; panongu no o mjochile nani, ikemu o theqhi lumo nani, kughengu Ni ye o xalu eno o xaphe luni ke o gholo ani, ipi Ampeu no asheshu.

JEREMIYA 17:16

Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

JEREMIYA 18:23

Ikemu O Ampeu, panoqo no I pithini ke amqü shi akeu Nono ithi ani. Pano kipimi qhitsü kevilo, momu O zülono pano xine nuxave tsü kevilo. O zülono panongu ikhive lo; O mlokighide lono pano kuto tsülo.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

JEREMIYA 20:8

Kughou I no atsa pini keno, ni ye ighamku, “Hekiqhi eno kütsakungo” ipi cheni! Kughengu Ampeu tsa ye I ghenguno tsala kupuju atiche eno cheqhi keu ke.

AKUMLO 3:64

“Pano kümla kiqi lono Nono pano lochile nani, O Ampeu.

AKUMLO 3:66

O Ampeu, O tsütsü qholo Nono axukighide lono panoqo hawuno kütsave nani.”

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

Luke 21:17

I je ghenguno timi kümtsü no nongu mithi nani.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

Rommi 8:35

Khuu no Khristo kikimiye lono ningu küghüxalu nani kea? Aghime kitikhi no keo, kijiküpsa no keo, shikimighi keu no keo, püqümiye no keo, aphikümsa no keo, akümsapu no keo, azütakikihi no kea?

2 Kor. 5:11

Tighenguno, Ampeu sükümsa ye kiu keno ningu no ithi ani kehu nino timiqo züiza cheni. Ikemu nino kiu keno Alhou no ithi ani eno I no laju akeu no nongu ghi ni ithi aghi nani ke.

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

XAKUTHAMI 16:28

Tile Samson no inikhu, “O Ampeu Alhou, kimiyeno I kümsülu tsülo eno thosülo küka ghuthu lakhi I tsülo, O Alhou, tishikeu lono I nhethi lejove tsükeu ghenguno I no Philistiami shou amkhü luveni.”