JEREMIYA 15:1 - Sumi Naga CL (Re-edited) Bible (BSI)

¹ Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

BAIBEL (BSI)

¹ Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JEREMIYA 15:1 Iomraidhean Croise

BOTHUBO 19:27

Abraham no inaqhe itheno pa no khile Ampeu zülo puthugho akeno tipa-a lo wue.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

LESHELE 106:23

Tighenguno Pa no panoqo kütsaveni ipi— Paw kishekiphe qeu Moses no Pa zülo puthugho moke aye, Pa loghu no panoqo kütsave niye akeu süchile mlani cheke.

LESHELE 99:6

Moses ngo Aaron ye Pa chinemi ke, Samuel ghi Pa je ku inikhu chekemi dolo lakhi ke. Panongu no Ampeu je ku, eno Pa no panoqo khochile.

AHOLE 14:35

Tsükhüi shi mlaitha keu qeu no akükau mlo chulu cheni, ikemu akukujo küha kemi shou akükau loghu ikughi cheni.

JEREMIYA 10:18

Kughengu Ampeu no ishi piani: “Hipa ghuloki lono I no ayeghi hipau lo xüküami haleveni, panongu pelo michelu penike I no kütakihi keu süghi nani.”

JEREMIYA 11:14

“Tighenguno timi hipaqo ghenguno inikhu kevi, momu pano züqhushi ighamku khu kevilo, kughengu pano veküsa lo panongu no I kunamu Ni ye ini tsümo nani.

JEREMIYA 14:11

Ampeu no I vilo pi, “Timi hipaqo kivipu ghenguno inikhu kevilo.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

JEREMIYA 16:13

Tighenguno I no ayeghi hipau lono no eno o puasüqo no mthakeu yeghi lo küza puwuveni, eno tilauno putho pucho nono kütau lhouqo huthu nani, kughengu Ni ye I pulou o piye moae.’

JEREMIYA 16:5

“Kughengu Ampeu no ishi piani: mloqa akemi kilo ilo kevilo, momu panongu ghenguno mlo nike wu kevilo, kughengu I no timi hipaqo launo iqüghai keu, ithamo keu kikimiye eno kimiyekini süwuvae, ipi Ampeu no asheshu.

JEREMIYA 18:20

Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

JEREMIYA 22:28

Coniah hipau ye atichepu, hephove keu li, khunomu lumove keu li keo? Kushiye pa eno pa tianuli ye pano no mtha keu yeghi lo kihi puwuve akea?

JEREMIYA 23:39

julo, I no kuchou no nongu ikhiqhepe I nhethe lono peveni, no eno o puasüqo tsükeu mishighüna ghi peveni.

JEREMIYA 35:19

tighenguno Israel Lhou aqokitikhi MPEU no ishi piani: Rekhab nu Jonadab ye I huthuni keu timi khilemu püqüve mo nani.”

JEREMIYA 52:3

Kughengu Ampeu mlo kighide ghenguno Pa no Jerusalem ngo Judah lo küami Pa zülono hapheve. Eno Zedekiah no Babylon kükau hebide thuve.

JEREMIYA 9:19

Zion lono akumlo sütsa chilue: Ningu ye kishi pighive akelae! Ningu ye shishe kujovae, kughengu ningu ye ayeghi qhivae, panongu no ni kungo-a xaleqhive tsüae.”

EZEKEL 14:14

tsala timi hipano küthü, Noah, Daniel eno Job noqo no tile aghi namu, panongu ghi pano chipiu mikucho vecheo pano küxü likhi xalu nani, Ampeu Alhou no asheshue.

EZEKEL 22:30

Khuu no putukha keu tupikiye shiqhe puku eno ayeghi ileqive keu lo I zülo puthugholu nani keno I no phuju, tishianguno tipau kütsa moni ye ke, ikemu Ni ye khumu phumlae.

HOSIYA 9:15

Pano lhoksa qhoi Gilgal lo ani kehu tilauno I no panoqo jumithi thuveke. Pano kixikila ghenguno I no I ki lono panoqo haphe nani. Ni ye panongu kimiye moae; pano sakiphemi kümtsü no hekibidemi ke.

ZEKHARIA 3:3

Joshua ye niqhinilai keu phimini pepusü kungumi zülo puthugho ae.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

XAKUTHAMI 5:9

Israel zatsümi khunono puloniqhiyi pano ampi pesü tsü keno, I mlo no pano kümsü ani. Ampeu sheqhelo.

SAMUEL ATUGHIU 12:19

Timi kümtsü no Samuel vilo pi, “O qemiqo ghenguno Ampeu o Lhou lau inikhu tsülo, tishianguno ningu ye thimo nani, kughengu ningu no akükau khu keu lono nino ni xine shou küsakügha hipau küphavae.”

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.

SAMUEL ATUGHIU 7:9

Tighenguno Samuel no ambeti lakhi pesü kuchopu kipti kümllagho shi Ampeu tsü. Eno pa no Israelmi ghenguno Ampeu lau inikhu kelo Ampeu no pa khochiletsü.