JEREMIYA 14:22 - Sumi Naga CL (Re-edited) Bible (BSI)

²² Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

BAIBEL (BSI)

²² Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JEREMIYA 14:22 Iomraidhean Croise

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 17:14

Kughengu Ampeu Israel Lhou no ishi piani, ‘Ampeu no tsütsüghu akiniu puwu moke kutolo, abohu lo ashomkhu pepühave monani eno ajukhu lo thazü kümsa shivemo nani.’”

KUKAMI ATUGHIU 18:1

Atsala kutomo thiu ampe aküthüu lono Ampeu no Elijah vilo pi, “Ahab zülo wulo eno I no tsütsüghu puwu tsüni.”

KUKAMI ATUGHIU 8:36

kungugha lono chilu tsüno O qemi Israelmi xine qhitsülo. Panongu no chewu kepu laghi kivi kiche tsüno Ow timiqo lau amheghi shi tsüve keu yeghi lo tsütsüghu puwu tsülo.

JOB 28:26

kughou Pa no tsütsüghu ghenguno azah mlatsü eno tsütsüküsü kukulo laghi kutotsü keno,

JOB 5:10

Pa no ayeghi lo tsüghuqhitsü eno aluza lo azü puwutsü cheni;

LESHELE 130:5

I no Ampeu khe ani, I ngulho no khe ani, Pa tsa shou I no lajube ani;

LESHELE 135:7

Pa no khüngküsü pelo ayeghi shekhau no ikughipe cheni, Pa no tsütsüpha mlake, eno amülhübo lhaphe cheni.

LESHELE 147:8

Pa no khüngküsü pesü kungugha nhape qhi; Pa no ayeghi ghenguno tsütsüghu kutotsü; Pa no atoghiqo lo atsüni pelo thuwu lupe.

LESHELE 25:21

Akikhi eno achipiu pesü I küxü süshope qhitsülo kughengu ni ye O ngokhe ani.

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 30:23

Nongu no apiti yisü kelo Ampeu no tsütsüghu puwutsü nani, eno ayeghi lo pekighi no kinikülü eno pofushi achuqupu tsü nani. Tipa ghuloki lo now pichepighi no achu kümza-a kije lo mzachu nani,

ISAIAH 41:29

Julo, panongu kümtsü adoue; pano kümlaqo ye kiumu kumoe, pano julhoqo ye amülhü kümsae.

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

JEREMIYA 10:13

Pa tsa lono atsütsü lo azü no mqhumza ighae, Pa no ayeghi shekha lono khüngküsü ipeghipe. Pa no tsütsüghu ghenguno tsütsüpha kulo, eno Paw pekükütsü ki lono amülhü saipeghi cheni.

JEREMIYA 10:15

Tipaqo ye ame küha, atichepu; aghime ghuloki lo pühave nani.

JEREMIYA 10:3

kughengu timiqo khuaye ye ame kühae. Asübo lakhi aghasü lono thaqhi no külalumi no amüghü pesü ajulho mla cheni.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 5:12

Panongu no Ampeu zülo akimki tsa ishi pi, ‘Pa ye kiumu shimo nani; kütsakungo keu ni shou ikughimo nani, azütakikihi momu püqümiye ithulumo nani.

JEREMIYA 5:24

Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

JEREMIYA 51:16

Pa no atsa pi aye, atsütsü lo azü no mqhu ipeghi cheni, Pa no ayeghi shekha no atsüzü ipeghipe cheni. Pa no tsütsüghu ghenguno tsütsüpha mla cheni; Pa no hekütsü püakeu ki lono amülhü süghi cheni.

HOSIYA 2:7

Li no alojipumi hawu nani ikemu halumo nani, eno li no panoqo phuwu nani ikemu phumlave nani. Tileno li no ishi pi nani, ‘Ni ye I kimi atüghüu lau idewoni, kughengu I ghenguno itehi ye püzüu pavie.’

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

AMUS 4:7

“Kughou ghile hunike aqhi küthü akeno I no nongu launo tsütsüghu ghi süchileve; I no mishighüna lakhi lo tsütsüghu puwu kemu lakhiu loye puwumo; alu lakhi loye tsüghuqhi tsü ikemu alu khile tsüghuqhi mo keno ti ye ighüive;

MICAH 5:6

panoqo no azütakikihi pesü Assyria yeghi eno Nimrod kulaghi kheluve nani; eno kughou Pa no ni yeghi lo ighi no ni lughi lo iloghiveni keno, Pa no Assyriami launo ni xaphe nani.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.