JEREMIYA 14:10 - Sumi Naga CL (Re-edited) Bible (BSI)

¹⁰ Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

BAIBEL (BSI)

¹⁰ AMPEU no timi hipaqo ghili ishi pi, “Panonguye ilauno pove nikeuno pano lokutu acheni eno pano likhi pano ghasuni chemoe. Ikehu niye panoqo lau amlo kiqi kuhae. Panonguno akumou jeli shikeu ino kumsupu che nani eno panoqo xine ghenguno ghimeqhi nani.”

JEREMIYA 14:10 Iomraidhean Croise

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

LESHELE 119:101

O tsa papelu nike ghenguno kixikilami laghi lono I no I pukhu süchile luve.

LESHELE 95:10

Ampe lhobidi kutolo I no pano tiqheli jupe I phimqhü eno pi, “Panongu ye pano mlo lono kauve kemi timiqo, eno panongu ye I laghi ithi move.”

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

JEREMIYA 2:36

Ghuthu khijehi no ye o laghi kilive acheni kelae! Assyria no o shikukujo ketoi Egypt no o shikukujo nani.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

EZEKEL 29:16

Panoqo lau akukuphu ghenguno tsüghü wukeu xine kümsüchile luno Israel laghami ye pükhükulu shi Egypt lau wumove nani. Tileno panongu no Ni ye Ampeu Alhou kepi ithi nani.”

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

HOSIYA 11:9

Ni ye I ji kumqho pephe moae; Ni ye Ephraim kütsa kithemae; kughengu Ni ye timi kumono Alhou, nongu gholo Akimtheu, Ni ye aloghu lono ighimo nani.

HOSIYA 7:13

Panongu hasapue, kughengu pano ye I launo kauvae! Panongu kütsave nani, kughengu panongu no I hebidevae! Ni ye panongu xachile lunishi anamu panongu no I shou akimki tsa pichenie.

HOSIYA 7:2

Ikemu pano lhoksa kümtsü I no kümsülu ani kepi panongu ye kiqiju moe. Itehi ye pano kümla no panongu süho luvae eno ti ye I zülo ani.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

IBRIMI 8:12

Panow hekibide xineqo I no pevetsü nani, eno I no pano xineqo kihikülai tsümo nani.”

SAMUEL ATUGHIU 15:2

Aqokitikhi Mpeu no ishi piani, ‘Egypt lono ipeche kelo Amalekmi no Israelmi mjochile eno kiu shikeno I no ithi ani.