JEREMIYA 13:19 - Sumi Naga CL (Re-edited) Bible (BSI)

¹⁹ Negeb mishighünaqo ye khathavae, khaqhini kemi khumu kühae; Judahmi kümtsü haphe sawuvae, qhoi haphe sawuvae.

BAIBEL (BSI)

¹⁹ Juda lo apeu akeqo taunye aghumino bothape le ani; timi khumu tipau vechesu panoqo lau wulu amoe. Juda lo akemi kumtsu halepuwuve keulo sawuvae.”

JEREMIYA 13:19 Iomraidhean Croise

KUKAMI AKINIU 25:21

Babylon kükau no Hamath yeghi lo Riblah lono panongu pithive. Hitoi shi Judah ye pa yeghi lono hakiphi sawuve.

YEKIKITHI ATUGHIU 9:1

Israel kümtsü laghaphi lo yekithipe qhi, tipaqo ye Israel kükami Kaku lo yepüani. Judah lo küami küghape Babylon lo akughushi sawuve keu ye pano shoqhi kubove ke ghengunoe.

JOB 12:14

Pa no xaqhive aye khunomu shiqhekithe mlae; Pa no khuana akughu shive aye khunomu khaqhiphe mlae.

JEREMIYA 17:26

Judah phughi lono eno Jerusalem hokümxa lo aphuqo lono timi ighi nani, Benjamin eno kulolau ato ghakhu lono ighi nani, Negeb lono akipti kümllagho ngo aghakishi ngo athi kümllagho eno müsüghüta Ampeu kilo süghi nani.

JEREMIYA 20:4

Ampeu no ishi piani: Julo, no eno o küsami ghenguno I no akümsapu shitsüni. Nono ju aphi lono panongu ye aghümi zütakikihi lono ikiqive nani. Judah ye qhoi Babylon kükau u lo süvetsü nani. Pa no panoqo akughumi shi sasü Babylon lo wuve nani eno azütakikihi no panongu ghiqhive nani

JEREMIYA 24:1

Babylon kükau Nebuchadnezzar no Jehoiakim nu Judah kükau Jeconiah, eno Judah lo kijemi ngo atshamgha kishimi ngo ayi kümlami kughu sasü Babylon lo wuve kethiu Ampeu no kungunhetsü hipau I piye: Julo, mubuthi ashoghi kini Ampeu chineki zülo qhitsü.

JEREMIYA 28:4

I no Jehoiakim nu, Judah kükau Jeconiah ghi sachile saghive nani, eno Judah lono Babylon lo haphe sawuve kemi sachile saghi nani, ipi Ampeu no sheshu, kughengu I no Babylon kuokhasü hephove tsü nani.”

JEREMIYA 32:44

Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 33:13

Ato ghakhu lo, Shephelah lo, Negeb lo, Benjamin yeghi lo, Jerusalem hokümxa lo, eno Judah lo mishighünaqo lo ambe lojiqo ye khuu no panongu kihi cheni keno pa u qholo ngolu nani, ipi Ampeu no pi.

JEREMIYA 39:9

Tishino kepten Nebuzaradan no mishighüna lo timi achili akeqo, pa lau po ighive keqo, kümtsü kughu sasü Babylon lo wuve.

JEREMIYA 52:27

Eno Babylon kükau no Hamath yeghi lo Riblah lono panongu heqhi pithive. Hitoi Judah ye pano yeghi lono haphe sawuve.

JEREMIYA 52:28

Nebuchadnezzar no akughumi shi sawuve kemi kikihi: pa küka mpe akütsüniu lono Judah lo timi 3,023;

JEREMIYA 52:30

ampe muku aküthüu lono Nebuzaradan no Judah lo timi 745 sawuve tsü; kümtsü küqha kelo timi 4,600 sawuve tsüe.

AKUMLO 1:3

Akaghashi mlape eno pishipuju keu ghenguno Judah ye hakiphi sawuvae; itehi li ye shiyeqo dolo xü ani, eno akulhokiqhi-a ithulu amoe; li no aghime kitikhi shiake lono li hache kemi no li botha luvae.

ZEKHARIA 7:7

Atsa hipaqo ye Jerusalem lo timi no küghüna eno kinikülü shi mishighünaqo no vehope, eno Apeu ngo aqa yeghi lo küghüna cheke ghuloki lono Ampeu no azüu tungkupmi vecheo sheshuve keqo kekumo keshea?’”

ZAKINIU 28:15

“Ikemu ishi tsala lo Ampeu nongu Lhou zakütsü eno akhuaye I no azah nongu tsü akeqo nongu no gholumo eno pape move aye, müsüini keu hi kümtsü nongu shou ikughi nani.

ZAKINIU 28:52

“Panongu no nongu phughi kümtsü khasü luve nani, eno nongu no pükhübe chekeu aliwo qhemghai putu püakeu kümtsü ikiqive nani. Ampeu nongu Lhou nongu tsükeu yeghi lo panongu no nongu phughi kümtsü lo nongu khasüve nani.

JOSHUA 18:5

Panongu no tipau saje tsüni shi kijetha peni, Judah no pano yeghi apeu tishi ngolo eno Joseph no ahuu pano yeghi lo tishi ngolo.