JEREMIYA 13:17 - Sumi Naga CL (Re-edited) Bible (BSI)

¹⁷ Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

BAIBEL (BSI)

¹⁷ Ikemu nonguno initsumo aye, Nongu qhekuza ghenguno ino kusuuno qa nani; Ino kukhu kimjishi qa nani eno inhezuno qoipeghi nani kughengu Alhou wu timiqoye akughumi shi sawuveni ake.

JEREMIYA 13:17 Iomraidhean Croise

LESHELE 119:136

I nhezü no aghoki toi qoani, kughengu timi no O yezah pape movae.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

ISAIAH 63:11

Ikemu Pa no wovekeu tsalaqo kümsüchilelue, ti ye Moses eno pa gholo kichemiqo. Khuu no ambe khemi gholono lhoxü lojiqo sasü azüghi mta lono ipeghi keno, Pa khilehi ani kea? Panoqo mta dolo Pa Ghungu Kimthe sütsü keu ye khile ani kea?

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 15:17

Ni ye züphu-zügha shikemi gholono ado puwo alovi püamoe; O u no I gholo akehu ni ye I likhi ae, kughengu ni ye axukighide no chhitoi ake.

JEREMIYA 17:16

Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

JEREMIYA 22:5

Ikemu, Ampeu no asheshu, nongu no hipa tsa gholumo aye, Ni ampi no tushoqhi ani, kükaki hipau ye pighive nani.

JEREMIYA 23:1

“Ambekhemi khunono I luza lo ambe kütsave eno kutholeve tsü keno ahaküsapue!” ipi Ampeu no asheshu.

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

AKUMLO 1:2

Anhezü no li gimuchu lono qo ghi puthotsü li ye mloqa ani; li lomiqo dolo khunomu li lokughuno tsüni keu kühae; li küsami kümtsü no li pishiqhipe thechuvae; panongu ye li ghümi shivae.

AKUMLO 1:9

Li mithekumo ye li mini lo ani; li ye ighini keu tsala ghenguno kümsüju move; tigheno li vekiqhi ye kümsapuke; li ye aloinokütsüu kühae. “O Ampeu, I ghime julo, kughengu aghümi no toluvae!”

AKUMLO 2:18

Panoqo no Ampeu lau ighae. O Zion limiw aliwo kuptu, putho pucho tsüqhu-tsüghu akeshi anhezü no qowu pelo! No ampi kulhoqhi kevilo, o nhethi küghüqü kevilo!

AKUMLO 3:48

Iw timi nga kütsave keu ghenguno I nhethi lo anhezü no aghoki toi qo anie.

EZEKEL 24:16

“Timi nu, julo, o nhethi lo ikighi I no ghuthu khavino ikhi süwuve niye shivae; ikemu no ye mloqa kevilo, momu o nhezü piji kevilo.

EZEKEL 34:31

Nongu ye I mbeqo ke, I tsüni kümtsha-a lo ambe timiqo ke, eno I no nongu Lhoue, ipi Ampeu Alhou no sheshu.”

EZEKEL 36:38

Aghakishi mbe, Jerusalem lo tiqhetini ghulhu lo ambeloji toi, ixapinyi akeu mishighünaqo ye timi loji no chhive nani. Tileno panongu no Ni ye Ampeu kepi ithi nani.”

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

SAMUEL ATUGHIU 15:35

Samuel ye pa kithi tsala kutolo Saul sasü kusho move, ikemu pa ye Saul ghenguno amlo ijuve. Ampeu no Saul pesü Israel kükau shiveke ghenguno amlo save.