JEREMIYA 13:11 - Sumi Naga CL (Re-edited) Bible (BSI)

¹¹ Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.

BAIBEL (BSI)

¹¹ Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

JEREMIYA 13:11 Iomraidhean Croise

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

LESHELE 81:11

“Ikemu Iw timiqo no I tsa initsü moe; Israel no I lau qhoqhü ighimoe.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

JEREMIYA 13:1

Ampeu no I vilo pi, “Wuno phepheike chighichephi lakhi qhü no o chita khapulo, eno azü lo pütsü kevilo.”

JEREMIYA 13:10

Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

JEREMIYA 13:12

“Atsa hipau pesü panongu vilo pilo: ‘Israel Lhou, Ampeu no ishi piani, “Atsaiji pesü atughuko kümtsü shepichhi nani.”’ Panongu no o vilo iniju nani, ‘Atsaiji pesü atughuko kümtsü shepichhi nanie pi ningu ghi ithi anike kumo?’

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 32:20

Nono Egypt yeghi lo amchipu eno akichiqhipu piye, eno ishi kutolo tishi ani, Israel lo eno timi jeli kümtsü gholo ishi ghi O jekipipu shi aphi.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

JEREMIYA 7:13

Itehi ye, nongu no hi kümtsü shive kehu, Ampeu no asheshu, I no tamo mithe nongu vilo pi kemu nongu no ini tsümoe, eno nongu ku kemu nongu no khochile moe,

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

AMUS 3:1

O Israelmi, Ampeu no nongu shou pipuku akeu, Egypt yeghi lono I no saipeghi keu shiaye kümtsü shou pipuku akeu tsa hi inilo:

Luke 10:11

‘Nongu kipimi shive keu michipu shi now mishiphu lono ayeghimkhu ni pukhu lo daluve aghi keu ghi nino kukhu qhive ani.’ Ikeghi hi ithilo, ‘Alhou yekipe ye nongu kupunu ighivae.’

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

ZAKINIU 26:19

Pa no lhokeu shiye kümtsü nguno akiqheu shi shekiqhe, ajuaje, eno agigihupu lo nongu süqhe nani, eno Pa no piqhike toi nongu ye Ampeu nongu Lhou zülo akimthe timi shinani.”

ZAKINIU 4:7

Kughengu Ampeu ni Lhou no kugho kughomu nino kukelo ni phivilo aketoi khuno shiye kije no alhou titoi ke ani kea?

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.