JEREMIYA 12:7 - Sumi Naga CL (Re-edited) Bible (BSI)

⁷ “Ni ye I kibo phevae, Ni ye I mheghi qhivae; I ngulho no qhuivü chekeu pesü li ghümi u lo süve tsüae.

BAIBEL (BSI)

⁷ AMPEU no pi, “Niye Israil phevae; Niye ino kishelukeu shiayeh qhivae. Ino kimiye chekemi timiqo pesu pano ghumi ulo phesuve tsuake.

JEREMIYA 12:7 Iomraidhean Croise

KUKAMI AKINIU 21:14

I no I mheghi, Iw ghükulumi kileve nani eno pano ghümi u lo süvetsü nani, panongu ye akughumi shive no pano ghümi no pükaqhi nani,

LESHELE 106:40

Tithiu Ampeu mlokighide ye Paw timiqo shou iqü ipeghive, eno Pa no Pa mheghi jumithive;

LESHELE 78:62

Pa no Paw timiqo pesü azütakikihi lo phesüve tsü eno Pa loghu Paw timi shou puwu.

ISAIAH 2:6

No Ampeu ye kuchou no Ow timi Jacob laghami kileqhivae, kughengu panongu ye kipelau küdüu lhoaye eno Philistiami toi tuumi pülü keu no chhivae, panongu no inaghami sasü au küküsü luvae.

JEREMIYA 11:15

Alhoksa kümla kutomo shive no I qhuu ye I chineki lo kiu shi ani kea? Ashi pesü aghashi keu no aghime tutsüghülu nani keshea? No ye alovilu nani keshea?

JEREMIYA 14:19

No ye qhoi Judah kheleve akeshea? O ngulho no Zion mithive akeshea? Ni shipivi mlave peniye No ye kushiye ningu hekulu kea? Nino aloino keu laju, ikemu akivi ighimoe; shikipivi do huqhe, ikemu akümsapu ithulue.

JEREMIYA 17:4

Nongu ye I no tsükeu mheghi au lono lekhove nani, eno I no nongu no mthakeu yeghi lo nongu ghümi qemi shiuvepe nani, kughengu I mlo kighide lono alholo iqüni keu mi küqüvae.”

JEREMIYA 22:5

Ikemu, Ampeu no asheshu, nongu no hipa tsa gholumo aye, Ni ampi no tushoqhi ani, kükaki hipau ye pighive nani.

JEREMIYA 23:33

“Timi hipaqo gholo lakhino, momu tungkupu, achinemi lakhino o vilo, ‘Ampeu pekimshi ye kiu kea?’ ipi ighiju aye, panongu vilo pilo, ‘Ape kimshi ye no ke, I no o peve nani, ipi Ampeu no sheshu ani.’

JEREMIYA 23:39

julo, I no kuchou no nongu ikhiqhepe I nhethe lono peveni, no eno o puasüqo tsükeu mishighüna ghi peveni.

JEREMIYA 51:5

Kughengu Alhou, aqokitikhi MPEU ye Israel ngo Judah pheve mphie, ikemu Chaldeami ghakhu ye Israelmiw Akimtheu zülo akipimi likhi ani.

JEREMIYA 7:14

tighenguno I no Shiloh lo mlake toi, nongu no pükhübe chekeu, I je lono kukeu kibo shou eno no puasüqo tsükeu yeghi shou ghi titoi shinani.

JEREMIYA 7:29

“‘O sa tsave no pevelo; atoghi lono mloqa lo, kughengu Ampeu no Pa loghu lono hipa tiqheli milive no phevae.’

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

HOSIYA 9:15

Pano lhoksa qhoi Gilgal lo ani kehu tilauno I no panoqo jumithi thuveke. Pano kixikila ghenguno I no I ki lono panoqo haphe nani. Ni ye panongu kimiye moae; pano sakiphemi kümtsü no hekibidemi ke.

JOYIL 2:15

Zion lo afuko küighalo; Kümvü kepu do kophelo; akimchi hoho kusülo;

JOYIL 3:2

shiye kümtsü I no hekütsü sasü Jehoshaphat Khila lo ighi nani. Eno tilauno I no Iw timi eno I mheghi Israelmi züqhushi panoqo shou küghathabe nani, kughengu panongu no I timi pesü shiyeqo dolo hakiphive tsüno I yeghi kijetha luve,

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

ZAKINIU 33:12

Benjamin ghenguno, pa no pi, “Ampeu qhuu ye sükusho lo ani. Akiqheu Lhou no pa khekuto eno pa gholo acheni.”