JEREMIYA 12:1 - Sumi Naga CL (Re-edited) Bible (BSI)

¹ O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

BAIBEL (BSI)

¹ AMPEU, ino osasu itsa kugha- kepu pesu kutsala aye, Noye achipiu shiaghive nani putsake. Ikeghi niye osasu kuchou xakutha vehu kigheve masavae. Kushiye kusakughamiye shishe kinikulu shipe kya? Kushiye amikucho kumomino ikukithelupe kya?

JEREMIYA 12:1 Iomraidhean Croise

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

EZRA 9:15

O Ampeu, Israel Lhou, No ye achipiu ke, ningu ye ishi tsala lo ghükulumi shi pokalu keqo ke. Julo, ni kipimi pesü O zülo ighi anie, kughengu khunomu hipau ghenguno O zülo ighilu amoe.”

NEHEMIA 9:33

Tishimu ni shou ikughi ke kümtsü lo No ye amikuchoe, kughengu nino axine shive kemu, No ye pükhükulupu ke.

JOB 12:6

Küpkami kibo ye iqüghai acheni, khunono Alhou xukuthoni keno pano no sükusho acheni, pano kumto no pano lhou ke.

JOB 13:3

Ikemu ni ye Akughushuu pütsani, I sheamzü tsa pesü Alhou sasü kigheni ke khelho ani.

JOB 24:12

Aphughi lo aghüzaku kupumi eno thiuche kemi no kuphu lopi igha keghi Alhou no khuu kutokumo mu phüju tsümove.

JOB 24:23

Pa no sükusho pesü tsükeu lono panongu ye mtotoi luvi, ikemu Pa nhethi no pano küxü jukuto acheni.

JOB 8:17

Pa kuhu no atuqo küxa luve no qüilo tipaqo dolo xü acheni.

LESHELE 116:5

Ampeu ye küpüqhiyi, eno amikucho ke; ni Lhou ye kimiyekini ke.

LESHELE 119:137

No ye amikucho ke, O Ampeu eno Ow pimheyeqo ye achipi ke.

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

LESHELE 37:1

Kixikilami ghenguno o mlo kütakihi kevilo; akumou mlakemi jupe anheshu kevilo!

LESHELE 37:35

Kixikila, ayiküsami lakhi I no ithulu püae, cedar sübo toi qhasüpe ache.

LESHELE 51:4

O hebide ghi I no axine shive no O nhethe lo kiu no alhoksa keno ti shivae, ikehu O tsa ye achipi loke eno Ow küghakütha lo tichetighe kühae.

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

LESHELE 92:7

küsaküghami no atsüni toi mini ipeghi aghi namu eno kixikilami no kümtsü ikoishelu aghi namu, panongu ye qhoi kütsaveni keu lo phesüvae;

AHOLE 1:32

Kughengu mbomzümi ye alokütsü milive kelono thive cheni; eno pano kuchhoma no pano kütsave cheni,

YETSAPIU 8:14

Ayeghi lo adou vehu ani: khanilo amikuchomi no kixikilami saxü ithulu cheni, eno kixikilami no amikuchomi kümla ghenguno asaxü ithulu cheni. I no pi anike highi adoue.

ISAIAH 41:21

Ampeu no piani: atsa kükügha lo nongu chipiu süghilo; Jacob Kükau no piani, nongu chipiu süghilo.

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 12:6

O thiküzümi eno o pu kibolomiu ghi o jechue; eno ighamku o hakuqo ke, panongu no ashou toi o pütsa namu panongu pülü kevilo.”

JEREMIYA 3:20

Kuchou no pishikiqhi nipu no li kimi pheveke toi, O Israel kibo, no ye I pishiqhivae Ampeu no asheshu.’”

JEREMIYA 3:7

‘Li no hipaqo shive kethiu I lau ideighi nani pi I no kümsüe,’ ikemu li ye ideighi moe, liw pishikiqhi kümla ye li tsünipu Judah no ithuluvae.

JEREMIYA 32:16

“Aküqhü kiyepa pesü Neriah nu Baruch tsüve kethiu I no Ampeu lau ishi inikhu:

JEREMIYA 5:11

Israel eno Judah kibo ye akümzapu shi I pishiqhivae, ipi Ampeu no asheshu.

JEREMIYA 9:2

Asayeqha lo kicheghüzümi kungoki I no aghike aye, ni ye Iw timiqo qhive no tilau wuveni cheke! Kughengu panongu kümtsü küsalhami, pishikiqhi lojimi.

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

EZEKEL 18:25

“Ikeghi nongu no pi, ‘Ampeu laghi ye achipi kumoe.’ Itehi inilo, O Israel laghami: I laghi ye achipiu kumo keshea? Nongu laghiqou no achipikumo ke kumo?

DANIEL 9:14

Tighenguno Ampeu no amhekiqi kutope qhive no ningu shou puwu ke, kughengu Ampeu ni Lhou ye Pa no mlakeu kümtsü lo amikuchoe, ikemu ningu no Pa tsa gholu moveke.

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

HOSIYA 6:7

Ikemu Adam toi panongu no puloshoqhi hebideve; tilau panoqo ye I pükhü mlave.

HABAKUK 1:4

Ikehu ayezah ye avehu shimovae, eno kuchou xakütha ye kühavae. Kughengu kixikilami no achipiu mikuchomi süho luve akehu kuchou xakütha ye tuchighivae.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

MALAKI 2:17

Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

MALAKI 3:15

Ikemu itehi ye ningu no akuchhomami vilo müghae pi ani. Küsaküghami ye kinikülü shiluke likhi kumono Alhou peju no pokaluve cheni.’”

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.