JEREMIYA 11:4 - Sumi Naga CL (Re-edited) Bible (BSI)

⁴ ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

BAIBEL (BSI)

⁴ Tiye ino panoqo puasu sasu puloshoqhi shi keu tsake; panoqo puasu ghenguno amiphokilo ami iqu akeu toikeu yeghi Ijip lono ino panoqo sasu ipeghi kelono puloshoqhi shipuakeu huke. Ino panoqo vilo igholu eno ino ahza tsukeu kumtsu shilo pike. Ino pikeuno panonguno aghokulu shiaye iwu timi shi nani eno ino panoqo Lhou shinikeu pike.

JEREMIYA 11:4 Iomraidhean Croise

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

KUKAMI ATUGHIU 8:51

(Kughengu panongu ye Ow timi Nono Egypt lo ayikiyiqi miphoki lono saipeghi ke).

KUKAMI AKINIU 18:6

Kughengu pa no mtotoi Ampeu tsüqüpe, eno Pa launo tsüghüve moe, ikemu Ampeu no Moses tsükeu Yezah pape ke.

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

JEREMIYA 11:7

Kughengu I no Egypt yeghi lono no puasüqo saipeghi kelono tamo mithe ishi tsala kutolo, I tsa inilo, ipi kütüghü ighike.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 26:13

Tighenguno itehi nongu laghi shikithe lulo, eno nongu Lhou Ampeu tsa lulo, tishiaye Ampeu no nongu ghenguno amhekiqi pi püakeu xachileve nani.

JEREMIYA 30:22

“Nongu no Iw timi shinani eno I no nongu Lhou shinani.”

JEREMIYA 32:28

Tighenguno Ampeu no ishi piani: Julo, I no mishighüna hipau pe Chaldeami eno Babylon kükau Nebuchadnezzar u lo süve tsüni cheni, panongu no hipau leluve nani.

JEREMIYA 38:20

Jeremiah no pi, “O pesü panongu tsümo nani, I no kiu o vilo pi ani keno itehi Ampeu tsa lulo, tishiaye o ghenguno akivipu shinani eno o küxü ghülu nani.

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 14:11

tishikeu lono Israel kibolomi ye I launo ala vepimive monani momu pano xine vecheo pano shikitiqe monani, ikemu tishikeu vecheo panongu ye Iw timi shilu nani eno I no panoqo Lhou shive nani ipi Ampeu Alhou no asheshue.”

EZEKEL 36:28

Nongu ye I no nongu puasüqo tsükeu yeghi lo küghünalu nani, eno nongu no Iw timi shi, eno I no nongu Lhou shinani.

EZEKEL 37:23

Panongu ye pano julhoqo eno aphikümqhüpu thimeqo momu pano kipimi pesü pano shikitiqe move nani. Ikemu panongu no athiu idewove keu xine lono I no panoqo xalu nani, eno shikimtheve nani; panongu no Iw timi shive nani eno I no pano Lhou shive nani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

ACHINE 26:12

I no nongu gholo anani eno nongu Lhou shinani, nongu no Iw timi shinani.

ACHINE 26:3

“Nongu no Iw pimheye pape eno I zakütsü gholu no tipaqo pelu aye,

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

ZEKHARIA 6:15

“Khunoqo putou acheni keno panongu no ighi no Ampeu chineki shiqhe nike kuphu nani. Aqokitikhi Mpeu no nongu lau I puwu kepi nongu no ithi nani. Eno nongu no amlo tsüqhiyi Ampeu no Lhou tsa gholu aye, hi ye shikupu nani.”

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

ZAKINIU 11:27

ishi tsala lo I no tsü akeu Ampeu nongu Lhou zakütsü nongu no pelu aye kükümghae,

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.