JEREMIYA 11:17 - Sumi Naga CL (Re-edited) Bible (BSI)

¹⁷ Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

BAIBEL (BSI)

¹⁷ “Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 11:17 Iomraidhean Croise

SAMUEL AKINIU 7:10

I no Iw timi Israelmi ghenguno a-a lakhi kishe tsüno tile panoqo shosüni, tishianguno panongu ye aküpüna shimove no pano-a lo ngouve nani.

YEKIKITHI AKINIU 28:25

Judah lo mishighüna kümtsü lo pa no kütau lhouqo lau akümllagho tsünike ghenguno qhemghaike-a mla, eno tino Ampeu, pa puasü Lhou loghu shikighide tsüke.

LESHELE 44:2

No ampi no shiyeqo hapheve, eno ni puasüqo shosüve; Nono ashiayeqo ghimeqhi, ikemu ni puasüqo khaqhi pheve;

LESHELE 80:15

O u ajeu no shosü püakeu sübo kuhu Nono saputhu keu nu süsholo.

LESHELE 80:8

Nono Egypt lono atsaibo lakhi peighi; Nono shiyeqo haleve eno tipau shosüe.

ISAIAH 5:2

Pa no ti hokide no atu kicheve, eno atsaibo akiviu pesü shosü; tipau mta lo pa no aqoghe lakhi shiqhe no atu chhuthape atsaizü tughuko mla; pa no ghile khelho akelaye akiqhi tsaithi shiaghive.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

JEREMIYA 1:14

Ikehu Ampeu no I vilo pi, “Ahuu no kütsakungo keu ayeghi hipau lo küghüna akemi shou ikughi nani.

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 11:13

O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

JEREMIYA 12:2

Nono panoqo shosü, panoqo no akuhu qüilolu eno thuiku eno axathi pithi; Nono pano kichi lo ngo kemu pano mlo lono putosüve.

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 2:21

Tishimu akighiche tsaibo, qhoi tsüghükhüi keu piti toi I no o shosü ke. Imaye kishino no ye tsüuve no aghalo tsaibo shive kea?

JEREMIYA 24:6

Akivipu ghenguno I nhethi no panoqo shou anani, eno ayeghi hipau lo panoqo sachile saghi nani. Ni ye panoqo xaleqhive mono shiqhe nani, panoqo nhüvemo no shosü nani.

JEREMIYA 26:13

Tighenguno itehi nongu laghi shikithe lulo, eno nongu Lhou Ampeu tsa lulo, tishiaye Ampeu no nongu ghenguno amhekiqi pi püakeu xachileve nani.

JEREMIYA 26:19

Judah kükau Hezekiah eno timiqo ye pa pithive keshea? Pa ye Ampeu sümsa eno Ampeu pulou qhüiniju ke, Ampeu ye amhekiqi panongu shou pi püakeu süchileve ke kumo? Ikemu ninguu ye ni shou ahaküsapu kije süghini cheni.”

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 32:30

Kughengu Israel ngo Judah tianuliqo ye pano lhothe lono ishi kutolo I nhethe lo alhoksa kümla likhi thono kütau kiumu shi püamoe. Panongu ye pano u no mlakeu pesü I mlo shikighide keu nguno alau ye kiumu mla püamoe, ipi Ampeu no sheshu.

JEREMIYA 35:17

Tighenguno, aqokitikhi Mpeu, Israel Lhou no ishi piani: Julo, I no shupheve ketoi Ni ye Judah ngo Jerusalem lo küghüna küami kümtsü shou kütsakungo süghini cheni, kughengu I no panongu vilo pi anamu panongu no initsü moe, I no panongu ku keghi panongu no khochile moe.”

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 40:2

Kepten no Jeremiah saluve no pa vilo pi, “Ampeu no Lhou no a-a hipau shou amhekiqi shuphe ke.

JEREMIYA 40:3

Ampeu no ti shikupu ani, Pa no pike toi shivae. Nongu no Ampeu lau axine shive no Pa tsa gholu move kehu nongu shou hipau ikughi ani.

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JEREMIYA 44:5

Ikemu panongu no ini tsümo momu I lau amlo tsümono kütau lhouqo mlla tavemoe.

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 45:4

Ikemu Ampeu no ishi piani: Julo, I no shiqhe püakeu xaleqhive nani eno I no shosü püakeu nhüve nani.

JEREMIYA 7:18

Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

EZEKEL 17:5

Tishino pa no ayeghi lono apiti ikhiluve no aghüma yeghi lo shosüve. Pa no tipau pesü azü kupukuno shiake alo shosü. Pa no tipau pesü mlosübo lakhi toi shosüve,

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.