JEREMIYA 11:13 - Sumi Naga CL (Re-edited) Bible (BSI)

¹³ O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

BAIBEL (BSI)

¹³ Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

JEREMIYA 11:13 Iomraidhean Croise

KUKAMI AKINIU 23:13

Pa no shiküpsa toghi apeu, ti ye Jerusalem kipelau, akümlla-a khikhi Israel kükau Solomon no Sidonmiw aphikümqhüpu lholiu Ashtoreth, ngo Moabmiw aphikümqhüpu lhou Chemosh eno Ammonmiw aphikümqhüpu lhou Milcom ghenguno shiqhe keno, tipaqo shipüthave tsü.

YEKIKITHI AKINIU 28:25

Judah lo mishighüna kümtsü lo pa no kütau lhouqo lau akümllagho tsünike ghenguno qhemghaike-a mla, eno tino Ampeu, pa puasü Lhou loghu shikighide tsüke.

ISAIAH 2:8

asü-atu julho no pano yeghi chhitoi ani, panongu no pano u lo kümla zülo itsaqi auvae.

JEREMIYA 11:17

Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

JEREMIYA 17:1

“Judah xine ye ayi yesüta pesü yepüani, mlaputu mtsüsüi keu pesü panongu mlo tulupha eno pano kiptia kibo lo kixipuku püani,

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 19:5

eno Baal lau qhemghai ke-a shiqhe puku no pano nuliqo ami lono piti pe Baal mlla niye shike, hi ye I no azah tsümo keu momu I kükümsü lomu iloghimo keu,

JEREMIYA 2:28

Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

JEREMIYA 3:24

“Ikemu ni lhothe lono ni puasüqo no mlape qhikeu, pano tsüaqu, ambeloji, apu-anga kümtsü akukujopu thime no tsüchuvae.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 44:21

“Judah ngo Jerusalem laghila lo nongu eno no puasüqo, now kükami ngo hiyampemi, eno aghakhu lo timiqo no akümllagho tsükeqo Ampeu ye kümsülu tsüke kumo? Ti ye Pa kükümsü lo ighi move keshea?

JEREMIYA 44:5

Ikemu panongu no ini tsümo momu I lau amlo tsümono kütau lhouqo mlla tavemoe.

JEREMIYA 48:35

Moabmi khunoqo no qhemghaike-a lo aghakishi kümlla tsü cheni eno akümllagho alhouqo tsü cheni keno, tipaqo ye I no püghave nani.

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

EZEKEL 16:24

nono nhasü keu chebo mla eno o sala alaghila kümtsü lo qhemghaike-a mlae.

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.

HOSIYA 12:11

Tsala Gilead lo axine aghi aye, panoqo ye mtsüqheino kiumu kumove nani: panongu no Gilgal lono amshitsü heqhi mlla; pano kipti-aqo ghi alu holeve keu lo atu kumqo püake toike.

HOSIYA 9:10

Asayeqha lo atsaithi toi, I no Israel phulue. Mubuthi kipithi ghuloki lo mububo lo axathi amsüu toi, I no pano puasüqo ithulue. Ikemu panongu no Baal-peor lo ighi no pano pesü akukujopu lo ikhiphepe tsüve, eno pano no küpü chekeu lhou toi aphikümqhüpu shive.