JEREMIYA 10:10 - Sumi Naga CL (Re-edited) Bible (BSI)

¹⁰ Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

BAIBEL (BSI)

¹⁰ Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

JEREMIYA 10:10 Iomraidhean Croise

BOTHUBO 21:33

Abraham no Beersheba lo tamarisk bo lakhi shosü eno tileno Ampeu, Shekhaha Lhou sheqhe.

KUKAMI ATUGHIU 18:39

Kughou timiqo no ti ithulu keno, panongu no agi pishiqhope ayeghi lo ikiqi no pi, “Ampeu ye Alhou; Ampeu ye Alhoue,”

KUKAMI ATUGHIU 8:60

Tishikeu lono ayeghi lo ashiaye kümtsü pelo Ampeu ye Alhou, eno alhou kütau ye kühae pi ithi peni.

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

JOB 9:6

Pa no ayeghi süküghütha kelo atsükuchoqo no ithauve cheni;

LESHELE 10:16

Ampeu ye alhokupuju eno alholo akükau ke; shiyeqo ye pa yeghi lono pühavae.

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

LESHELE 104:32

Pa no ayeghi shou jupuku kelo tino khokhoshi itha; Pa no naghuto bu aye, tipaqo no amchhi phopipe cheni!

LESHELE 114:7

O ayeghi, Ampeu zülo khokhoshi lo, Jacob Lhou zülo msa khokhoshi lo,

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 146:6

Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

LESHELE 29:10

Ampeu no azüghi shou kükalakhü lo iqa ani; Pa ye alhokupuju akükau shi kükalakhü lo iqa ani.

LESHELE 31:5

I ghungu pesü I no O u lo kulhuqhi tsü ani; Nono I qhüchile luvae, O Ampeu, pükhükulupu Lhou.

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

LESHELE 68:11

Ampeu no azah tsü; asütsa pesü sheshu kemi totimiqo ye aqokitikhi kije ke:

LESHELE 68:8

Sinai lo Alhou, Israel Lhou, zülo ayeghi no itha, atsütsü no tsütsüghu ghuqhie.

LESHELE 74:12

Ikemu Alhou I kükau ye abothu lono ke, eno ayeghi lo xakulu süghi tsüe.

LESHELE 76:7

Ikemu No ye sümsa kepue! Kughou O loghu ghuthu lakhi ipeghini keno khuu no O zülo puthugho luni kea?

LESHELE 76:8

Kungugha lono Nono küghakütha shuphe; ayeghi no msa khokhoshi eno iqünheive,

LESHELE 77:18

Ow tsütsüküsü no fukichighi mülhü lo ae; Ow tsütsüpha kukulo no ayeghiqha yepüvüe; ayeghiqha no khokhoshi ithae.

LESHELE 84:2

Ni ye Ampeu kungo-a kümsükütü kelauno I ngulho no khekulho shi, iyei, thiqhi ani; I mlo eno I phimpi no xüküau Lhou ghenguno alovi ighamku ale phe ani.

LESHELE 9:8

Pa no achipiu mikucho pesü ayeghiqha küghatha cheni; Pa no müzüchoi timiqo shou küghatha cheni.

LESHELE 90:11

Khuu no O mlo kighide küka ithi ani kea? Kughengu O loghu ye O sümsa masa kepu qhemi ke.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

LESHELE 93:2

O kükalakhü ye mulho lono shosüvae; No ye shekhaha acheghi ke.

LESHELE 97:4

Paw tsütsü kukulo no ayeghiqha yepüvü; ayeghiqha no ti ithulue eno khokho shive.

ISAIAH 37:17

O kini kughope ini tsülo O Ampeu; O nhethi tsükhope ju tsülo O Ampeu; eno Sennacherib no aküxüküa Lhou thogha nike atsa khikhi pi puwu ani keno, kümtsü ini tsülo.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

ISAIAH 40:15

Julo, shiyeqo ye azütughuko lo kighiji lakhi toie, eno ahu lo ayeghimkhu lothi lakhi pepuku aketoie; julo, Pa zülo züdoyeghi ye amkhu lothi lakhi paphike.

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 65:16

tishikeu lono aghakhu lo timi khuu no pa likhi pa kümghatsü keno, pa ye kuchou Lhou no kumghatsü nani, eno aghakhu lo timi khuu no ashoqhi shini keno, pa ye kuchou Lhou vecheo ashoqhi shi nani; kughengu wove keu küküpna ye kümsümavae, eno tipaqo ye I launo küsüvae.

JEREMIYA 23:36

Ikemu no ye khilemu ‘Ampeu pekimshi’ ghili pi kevilo, kughengu ape kimshi ye timi lakhikhi tsake, no ye aküxüpu Alhou, aqokitikhi MPEU, ni Lhou tsa tuchighive ani.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

JEREMIYA 4:24

I no naghutoqo jukelo tipaqo ye itha ae, eno atoghiqo no sükujokiji ae.

JEREMIYA 50:46

Babylon ikiqi keu sütsa chilu kemtsa, ayeghi kümtsü itha nani eno pano küqa no shiye kümtsü no chilu nani.”

JEREMIYA 51:29

Ayeghi no khokhoshi eno aküsü lono ihi ani, kughengu Ampeu kimji Babylon yeghi pesü timi kühano küghüve tsünikeu ye shi ayae.

DANIEL 4:3

Paw amchipuqo ye kishi kije, Paw akümzapuqo ye kishi akughushu kelae! Pa kükaqha ye lhokta kükaqha, eno Pa yekipeqha ye tiqheli no tiqheli kutolo acheni.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

DANIEL 6:27

Khuu no abongshuuqo küka lono Daniel xaphelu keno, Pa no xaphe eno hakho cheni; Pa no atsütsü eno ayeghi lo amchipu eno akümzapu mla chenie.”

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

MICAH 1:4

Ami lono aghügha kümlave keshi naghutoqo no Pa zülo mlaghubeive nani, kunguu no azü peleqhi akeshi akhilaqo no iko ipeghive nani.

NAHUM 1:5

Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

HABAKUK 3:10

Naghutoqo no No ithulu no thüthüshi; azü no fuchighi qowu; azükutho no mqhomzai ipeghi no azü fukuchope qhemghai süqhe.

HABAKUK 3:6

Pa no puthugho no ayeghi mighi; Pa no jupuwo no shiyeqo süküthü; tileno alholo naghutoqo ye apanaghave; alholo toghiqo no aqhou iqüilove. Pa laghi ye pülhapuju la ke.

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

IBRIMI 10:31

Aküxüpu Lhou u lo ikiqi ilolu keu ye kümsa kimshipue!

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

XAKUTHAMI 5:4

“Ampeu, kughou Nono Seir qhive keno, kughou Nono Edom ghakhu lono chewuve keno, ayeghi no itha eno atsütsü lono tsütsüghu iqighi, iyei, khüngküsü no azü leqhie.

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”