JEREMIYA 1:9 - Sumi Naga CL (Re-edited) Bible (BSI)

⁹ Tishino Ampeu no Pa u pesü I kichi butsü eno I vilo pi, “Julo, I no I tsa pesü o kichi lo süve tsüae.

BAIBEL (BSI)

⁹ Tishieno AMPEU no pau chhopuwo puzu imtsu ditsuno ivilo ishi pi, “Julo, nono pimayesakeu tsa pesu ino otsu anike.

JEREMIYA 1:9 Iomraidhean Croise

ISAIAH 49:2

Pa no I kichi pesü azütakikihi kütsügha toi shitsü; Pa u kicheqho lo I küsüpe qhi; Pa no I küghape apiji phuphushi keu toi qhike; Pa pijibo lo I küghütshü ke.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

ISAIAH 51:16

I no atsütsü xakhope qhi, eno ayeghi boqha qhake, o kichi lo I tsa sütsü eno I u pesü o khonha eno Zion vilo pi, ‘Nongu ye Iw timiqo ke.’”

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

JEREMIYA 34:6

Jeremiah no Jerusalem lono atsa hi kümtsü pesü Judah kükau Zedekiah vilo pikeu ye

JEREMIYA 36:2

“Liküküzü kaku lakhi pesü I no Josiah ghuloki lono ishi kutolo Israel ngo Judah eno shiye kümtsü küla keu tsa o vilo pive keu kümtsü yepe qhilo.

JEREMIYA 5:14

Tighenguno Ampeu, aqokitikhi Lhou no sheshu: “Nono atsa hipau piqhive akehu, julo, I tsa huno o kichi lo ami kughulhove tsüni, eno timi hipaqo no asü shino ami no panongu pitiveni.

EZEKEL 3:10

Tinguno alau, Pa no I vilo pi, “Timi nu, I no o vilo piniye akeqo tsa kümtsü o mlo lo qhilulo eno o kini xükhope inilo.

DANIEL 10:10

Eno julo, au lakhi no I bu, eno I pukhu ngo I khonhe no khokho shive.

DANIEL 10:16

Eno julo, timi nuliqo jukimihi lakhi no I mütsü butsü. Tile I no I kichi xükho no pi. I no khuu I zülo puthugho akeno pa vilo pi, “O I mpeu, kungunhetsü kiqi ghenguno aghime I shou ikughivae, eno ni ye aküka kühavae.

AKIKIHI 23:5

Ampeu no kiu pikepu keno Balaam vilo pive eno ishi azah tsü, “Balak lau idewo no hitoi pilo.”

MATTHEW 10:19

Kughou panongu no nongu küghani keno, nongu ye kishi pini momu kiu pini kea pi kütakihi kevilo, kughengu nongu no kiu pikepu keno, atüqhüdo ighi kelono nongu tsü nani.

Mark 7:33

Pa no aqokitikhi gholono timi hu sawuve no lomoshi pa uloti pesü timi tipau kini lo chuxusü tsü, eno amiti müsüpe pa mili lo ditsü.

Luke 12:12

kughengu nongu no kiu pi kepu keno Aghungu Kimthe no tipa tüqhüdo lono nongu shika nani.”

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

ZAKINIU 18:16

Kughengu nongu no Horeb lo kumqo ake tsala lo Ampeu launo laju keu tsa ishi pike, ‘Ningu ye thive nosake, ni pelo Ampeu ni Lhou sütsa chilupe kevi eno ami kije ithulupe kevilo.’

ZAKINIU 18:17

Ampeu no I vilo pi, ‘Panongu no pi akeu ye achipie.’

ZAKINIU 18:18

I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.