JEREMIYA 1:8 - Sumi Naga CL (Re-edited) Bible (BSI)

⁸ Panoqo msa kevilo kughengu I no o xaphe lunike o gholo ani, Ampeu no asheshu.”

BAIBEL (BSI)

⁸ Noye panoqo jupe msa kevilo kughengu ino ogholo anani eno osusho nanike. Ni, AMPEU no pianike!”

JEREMIYA 1:8 Iomraidhean Croise

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

JEREMIYA 1:17

Ikemu no ye akümla shi kepushi o ghili kutolo, ithulo, eno I no azah o tsükeu kümtsü pesü panongu vilo pilo. Panongu pelo o shikümsape kevilo, tikumo aye I no panongu zülono o shikümsa nani.

JEREMIYA 1:19

Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 39:11

Babylon kükau Nebuchadnezzar no Jeremiah ghenguno ishi Nebuzaradan azah tsü,

JEREMIYA 42:11

Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

DANIEL 3:17

Tsala hipau shikepu shi aghi aye, ni Lhou khuu nino qe acheni keno Pa ye kuchughei keu miphoki lono ningu xaphelu nani eno o u lono ningu xaphe luve nani, O akükau.

DANIEL 3:25

Pa no pi, “Ikemu timi bidi tsügha mono ami mta lo ala checheni, panongu ye piti püamo; eno timi abidiu koghe ye alhou nu lakhi toi ni ye ithulu anie.”

MATTHEW 10:26

“Ikehu panoqo msa kevilo, kughengu thime lakhimu pephe mono nhave keu shimo nani, momu ithi pemono küsüve keu shimo nani.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Apostolmi 18:10

kughengu I no o gholo ani, khunomu o ghüzamo nani, kughengu mishighüna hipau lo Iw timi kutomo ani.”

Apostolmi 26:17

I no ow timi ngo Jewkumomi, khunoqo lau I no o puwu ani keno, tipaqo launo o xaphelu nani,

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

Apostolmi 4:29

Ampeu, itehi panongu no ningu kichi akeu lo jupuku tsülo, eno O qemi pelo amlo kumto lono O tsa pilu pelo.

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

ZAKINIU 31:6

Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”