JEREMIYA 1:17 - Sumi Naga CL (Re-edited) Bible (BSI)

¹⁷ Ikemu no ye akümla shi kepushi o ghili kutolo, ithulo, eno I no azah o tsükeu kümtsü pesü panongu vilo pilo. Panongu pelo o shikümsape kevilo, tikumo aye I no panongu zülono o shikümsa nani.

BAIBEL (BSI)

¹⁷ Jeremiya, kutolulo, wulo ino ovilo pilopi ahza tsukeu kumtsu pesu panoqo vilo pilo. Noye panoqo musa ichi kevilo tikumo aye nono panoqo zulo akelo ino opelo alau msa ichivepe nanike.

JEREMIYA 1:17 Iomraidhean Croise

KUKAMI ATUGHIU 18:46

Ampeu küka Elijah shou ighive no pa no pa phi pesü achita khapu luve no Ahab züuno posü Jezreel lo wuve.

KUKAMI AKINIU 1:15

Tile Ampeuw kungumi no Elijah vilo pi, “Pa gholono iqilo eno pa msa kevilo.” Elijah no pa gholono akükau lau iqi

KUKAMI AKINIU 4:29

Pa no Gehazi vilo pi, “O phimini pepuve lo eno I küsü ikhipe wulo. Khuana sholu namu pütsa kevilo, khuana no o pütsa namu khochile kevilo. Eno I küsü pesü anu gi lo bepe qhilo.”

KUKAMI AKINIU 9:1

Elisha no tungkupmi loji lo lakhi kuno pa vilo pi, “Aphimini akivishi pepusü thazü külabo hipau pesü Ramoth-gilead lo wulo.

JOB 38:3

Kiptimi toi kutope ngolo; I no ighijuni, eno nono I khochileni.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

IPEKULU 7:2

I no azah o tsükeu kümtsü no ye pilo, eno o mu Aaron vilo Pharaoh pelo pa yeghi lono Israelmi puwuve penike pipelo.

JEREMIYA 1:18

Julo, I no ishi no o pesü ayeghi kümtsü mjochile kepu, Judah kükamiqo, tile kijemi, achinemi, eno ayeghi lo timiqo mjochile kepu aliwo kumto phughi shitsüni, ayi no shikeu tsükucho, alazayi tupiqo shitsüni.

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 23:28

Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

JEREMIYA 26:12

Tile Jeremiah no hiyampemi eno timiqo vilo pi, “Ampeu no aki hipau eno mishighüna hipau mjochile keu tungkuptsa pi penike I puwu keu nongu no chiluvae.

JEREMIYA 26:2

“Ampeu no ishi piani: Ampeu kikhala lo puthugho lo, Ampeu kilo mlla nike ighi kemi Judah lo mishighüna kümtsü vilo I no o pelo pi penike azah tsükeu pesü pilo, atsathi lakhimu süchile kevilo.

JEREMIYA 36:8

Jeremiah no azah tsüke toi Neriah nu Baruch no Ampeu kilo liküküzü kaku lono Ampeu tsa phisüve.

AKUMLO 3:57

I no O ku kelo Nono kupunu ighi no pi, ‘Msa kevilo!’

JONAH 3:2

“Ithulo, mishighüna kije Nineveh lo wulo, eno I no o vilo pikeu tsa pesü panongu lachile pilo.”

Luke 12:35

“Aphimini kutokughoi pepusü akulu küqüpe khelo,

Apostolmi 20:20

Ni ye nongu kuphulu kepu tsa süchile mono mishi gholo eno aki-aki lono shika püani.

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

1 Kor. 9:16

I no atsakiviu sheshuke ghenguno ni ye kiumu qheza kepu kühae. Kughengu tishi peniye azah I tsü püani. I no atsakiviu sheshumo aye I hasapue!

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.