JEREMIYA 1:16 - Sumi Naga CL (Re-edited) Bible (BSI)

¹⁶ I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

BAIBEL (BSI)

¹⁶ Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

JEREMIYA 1:16 Iomraidhean Croise

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 28:2

ikemu Israel kükami no xükeu laghi pape. Pa no Baal ghenguno ayi julho ghi mlae.

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

YEKIKITHI AKINIU 7:19

“Ikemu nono tsüghüve no I zakütsü o tsü keqo hebide, eno kütau lhouqo huthu no mllauve aye,

ISAIAH 2:8

asü-atu julho no pano yeghi chhitoi ani, panongu no pano u lo kümla zülo itsaqi auvae.

ISAIAH 37:19

eno pano lhouqo ikhipe ami lo vesüve tsüe. Kughengu tipaqo ye alhou kumono asü ngo atu pesü timi u no mla kehu kütsaveke.

ISAIAH 44:15

Tishino tino timi ghenguno no süküghüpu sü shino pa ampi vapülü cheni; pa no ami shino asho ghu cheni. Pa no itaghi asü tipau pesü ajulho shisü no mlla cheni; Pa no ajulho mla no tipau zülo pishiqhope mlla cheni.

ISAIAH 65:3

timi hipaqo ye tamomithe pekipheshi I xukutho cheni, aghutuqo lono aghashi cheni, eno pititu shou no akümllagho tsücheni;

JEREMIYA 10:15

Tipaqo ye ame küha, atichepu; aghime ghuloki lo pühave nani.

JEREMIYA 10:3

kughengu timiqo khuaye ye ame kühae. Asübo lakhi aghasü lono thaqhi no külalumi no amüghü pesü ajulho mla cheni.

JEREMIYA 11:12

Tileno Judah lo mishighünaqo eno Jerusalem lo küxümi no pano kümllagho tsü chekeu lhou lau ighamku nani, ikemu pano veküsa ghuloki lo tipaqo ye pano xalumo nani.

JEREMIYA 11:17

Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 16:11

Panongu vilo pilo: ‘Kughengu no puasüqo no I kümsümave ke, Ampeu no asheshu, I kümsümave eno I yezah pheve no kütau lhouqo huthu eno mllauve, panongu mlo kümka lhoksa pape wuve no I tsa ini move,

JEREMIYA 17:13

O Ampeu, Israel lajupu, O pheve kemi kümtsü akukujopu shinani; khunono O launo pove keno ayeghi lo aje yepüani, kughengu pano ye aküxüpu züpuki Ampeu pheveke.

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 2:28

Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

JEREMIYA 4:12

ighono amülhü kümka I lau ighi ani. Itehi ye I no panongu shou atsa kükügha pipukuni.”

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

JEREMIYA 5:9

Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

JEREMIYA 51:17

Timi ye kümtsü anikha eno akighithi kühae; ameshoyi kiyiqiu ye pa julho no shikujove cheni, kughengu pa julhoqo ye kichile eno aküxü kühae.

JEREMIYA 7:17

No ye panongu no Judah mishighünaqo lo eno Jerusalem laghila lo kiu shi ani keno ithulu anima?

JEREMIYA 7:18

Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

EZEKEL 16:18

Nono ow aye shisükeu phimini pesü tipaqo nhape qhi, eno Iw thazü ngo I xokütsüngü pesü tipaqo zülo ghope qhie.

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

HOSIYA 11:2

Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

HOSIYA 8:6

Kughengu hi ye Israel launo ke; ayi kiyiqimi lakhi no mla keue; hi ye Alhou kumoe. Samaria mishitsü julho ye kubo kighinyive nani.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

Apostolmi 7:41

Panongu no amshiti mlano ti ajulho lau akümllagho tsü, eno pano u lo kümla jupe alokivi shie.

ZAKINIU 28:20

“No kümla lhoksa eno Ampeu milive ke ghenguno, nongu kütsave eno püghave moke kutolo Ampeu no nongu kümla küghütha kümtsü lo müsüini, kübangü keu eno amlo shikümka keu süghitsü nani.

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

JOSHUA 24:20

Tsala nongu no Ampeu qhive no inami lhou qeuve aye, Pa no nongu lau akivi kümla shive akemu ideighi no nongu ghüza nani eno püghave nani.”

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,