JEREMIYA 1:15 - Sumi Naga CL (Re-edited) Bible (BSI)

¹⁵ I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

BAIBEL (BSI)

¹⁵ kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

JEREMIYA 1:15 Iomraidhean Croise

ISAIAH 22:7

Now jukivi khila ye khurkulu no chhivae, eno khurshimi no khagho khepe ngovae.

JEREMIYA 10:22

Asütsa lakhi ighi ani! Julo, ti ye cheni! Ahuu ghakhu lono Judah phughiqo kütsave tsüno aghalo tsü kungo-a shive tsünike akümsapu kije cheni.

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 13:20

“Khunoqo ahuu no cheni keno pishipuwo julo. O pelo jukuto peniye pichetsü keu jukivi loji khile ani kea?

JEREMIYA 25:28

“Panongu o u lono ajukhu tuchile aye, panongu vilo pilo, ‘Aqokitikhi MPEU no ishi piani: Nongu ye sho masae!

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 33:10

“Ampeu no ishi piani: A-a hipau khikhi nono, ‘Hi ye pighive no timi ngo tüghashi mu kühavae,’ ipi cheni keno, Judah phughi eno Jerusalem laghila pighive no timi na tüghashi mu tile xüni kemi kühave keu-a lono itaghi hipaqo chilu nani

JEREMIYA 34:1

Babylon kükau Nebuchadnezzar no paw ghüshimi, ayeghi lo pa yekipe qholo kükaqha, eno ashiaye kümtsü no Jerusalem ngo tile mishighünaqo sasü aghüshi ake lono Ampeu launo atsa Jeremiah lau ighi:

JEREMIYA 34:22

Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 39:3

Tile Babylon kükauw hiyampemi no ighi no khagho mta lo iqa: Samgarmi Nergal-sar-ezer, kijemi tou Nebu-sar-sekim, aqhi ayepu kiphimi Nergal-sar-ezer, eno Babylon kükauw hiyampemi kümtsü.

JEREMIYA 4:16

Pa ye cheni pi Shiyeqo kütülo; Jerusalem lau asheshu lo, “Putou yeghi lono leni kemi cheni; panongu no Judah phughiqo shou aghüleku ani.

JEREMIYA 4:6

Zion küdau amchipu peqhelo, süsho lunike ngomo no polulo, kughengu ahuu no I no amhekiqi, kütsakungo kije süghini cheni.

JEREMIYA 43:10

eno panoqo vilo pilo, ‘Aqokitikhi MPEU, Israel Lhou no ishi piani: Julo, I no I qeu Babylon kükau Nebuchadnezzar puwu no pa kükalakhü pesü I no atu qhopüa keu shou ghotsü nani, eno pa no atuquqo shou pa küka pushonha xakho nani.

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 46:24

Egypt ngaqo ye shikujove nani; Li ye ahuu no ighi kemi u lo phesüve tsü nani.”

JEREMIYA 5:15

Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

JEREMIYA 6:22

Ampeu no ishi piani: “Julo, ahuu ghakhu lono timi mqo lakhi cheni, ayeghi sheshu lono shiye kije lakhi xukutho puthu ani.

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

AKUMLO 5:11

Judahw mishiphuqo lo ililhothe eno Zion lo totimiqo pesü shipütha ani.

EZEKEL 32:30

“Ahuu kükapumi ye tilau ani, eno Sidonmi kümtsü pano kumto vecheo kichi kümsa keu ghenguno akukujopu shi ghiqhive kemi gholo iqivae; panongu ye aphighüyiko ghamo no ghiqhive kemi gholo ani, eno akuthoku lo iqive kemi gholo pano kukujo xapu ani.

JOYIL 2:20

“I no ahuumi hape nongu launo putou qhai eno yenguyi keu yeghi lo puwuve nani, paw amihemi pesü kipela züghi lo eno ashekhami no kulola züghi lo vesüve nani; Pa kumo no tsümüna ipeghive nani, kughengu pa no alhoksa kümla kije shive kehue.

ZEKHARIA 6:6

Khurshi tsübui keqo no sünhe chekeu khurkulu no ahuu ghakhu küdau iqhove, metsüghoi keqo no tipa shelo shi, eno hughai keqo no apeu iqive.”