James 5:7 - Sumi Naga CL (Re-edited) Bible (BSI)

⁷ Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

BAIBEL (BSI)

⁷ Athikuzumiqo, tishiaye Ampeu ighinike kutolo kheakulu shilo. Julo,alukichimi lakhiye pa lulo akughupushi axa ipeghi nikeu khe acheni, paye tsutsughu atughiu ngo ashekhau tsutsughu ithumlake kutolo kheakulushi khe acheni.

Sümi Tiqhelimi Bible

⁷ Tishiaye athiküzümi eno achelimiqo, Ampeu ighimo ke kutólo kheakulu shilo. Alukichiu no kíshi ayeghi lo ameküa tüxatini lhoipeghi penike ghenguno kutuu ghi mütsü ngò tsülu tsütsüghuqo khe acheni keno julo.

James 5:7 Iomraidhean Croise

JEREMIYA 5:24

Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

ZEKHARIA 10:1

Tsülü tusho lo Ampeu vilo tsütsüghu khulo, Pasapagha puwu chekeu ye Ampeu no ke, Pa no timiqo tsütsüghu tsü nani, aluza lo atsüni pesü kümtsü tsü.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 24:27

Kughengu tsütsüpha no kipelau ipeghi kelo kulolau kutolo yepüvü ketoi, Timi Nu ikighi lo ghi titoi nani.

MATTHEW 24:44

Tighenguno nongu ghi kutope khe masae, kughengu Timi Nu ye nongu no huqhe moke ghuloki lono ighini cheni.

Luke 18:8

I no nongu vilo piani, Pa ye ke-i xakütha shipe panongu tsü nani. Tishimu, Timi Nu no ighi kelo, pa ye ayeghi lo küpülümi phulu nani ma?”

Luke 21:27

Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

John 21:22

Jisü no pa khochile, “I no ighi moke kutolo pa pelo aghipe namu no ye kiu pikepu ani kea? No ye I papelo!”

John 21:23

Ikehu akhopeu hipau ye thini chemoe pikeu tsa no athiküzümi gholo veküpha wove; Jisü ye, pa ye thimo nani kepi pa vilo pimoe, ikemu, “I no ighi moke kutolo pa pelo aghipe namu no ye kiu pikepu ani kea?” ipike.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

ZAKINIU 11:14

Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Thes. 2:19

Ni Mpeu Jisü ikighi lo Pa zülo niw lajupu, ni lokivi, ni jekipipu kiu ani kea? Ti ye nongu ke kumo?

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 5:10

Athiküzümiqo, aghime lo kheakulu shinike kichekipiye shi tungkupmi khunoqo Ampeu je lono piche keno, panongu kümsülu lo.

James 5:3

Nongu no ashekha tsala lono akini pekütsü ke now ameshoyi ngo ghükayi ye ayisa no chuvae, eno tipa yisa no nongu lachile thopi shi nani eno ami toi nongu phiashi chupüha nani.

2 Peter 3:4

Panongu no pi nani, “Pa ighi nanie piche keu shoqhi ye khilave akea? Kughengu apuasüqo no thive kelono ishi kutolo thokha kümtsü pulhoküsü lono acheghi keu atho aphie.”