James 5:16 - Sumi Naga CL (Re-edited) Bible (BSI)

¹⁶ Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

BAIBEL (BSI)

¹⁶ Tighenguno nongu xine lakhino lakhi vilo piphelo eno lakhino lakhi ghenguno inikhutsulo, tishianguno nonguye viluve penike. Amikuchomi kukhu kighiniye shikulupu kuka kije ani.

Sümi Tiqhelimi Bible

¹⁶ Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

James 5:16 Iomraidhean Croise

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

BOTHUBO 20:17

Tishino Abraham no Alhou lau inikhu, eno Alhou no Abimelek eno pa nipu ngo totimi aqemi ghi shipivi tsüe, tishikeu lono panongu ghi atianuli punulue.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

SAMUEL AKINIU 19:19

eno pi, “I mpeu akükau no Jerusalem qhive no cheke tsala lo o qeu no kishi akumou shi keno kümsüchilelu püzü akipimi I tsüpe kevilo. Akükau no amlo lo qhitsü kevilo.

KUKAMI ATUGHIU 13:6

Akükau Jeroboam no Alhou timi vilo pi, “I ghenguno Ampeu o Lhou vilo inikhu tsülo eno I u hipau shipivi tsülo.” Alhou timi no Ampeu vilo inikhu tsü, eno akükau u ye athoputho luve.

YEKIKITHI AKINIU 30:20

Ampeu no Hezekiah kighini chilu tsüno timiqo shipivi.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

LESHELE 34:15

Ampeu nhethi ye amikuchomi shou jupuku cheni eno Pa kini no panoqo ghügha chilu tsü cheni.

IPEKULU 17:11

Kughou Moses no pa u peqhe keno Israelmi no tolu, eno kughou pa no pa u piqive keno Amalekmi no tolue.

IPEKULU 9:33

Ikehu Moses no mishighüna lono Pharaoh launo ipeve no Ampeu lau pa u peqhe, eno pasapagha ngo mürasü kishekhave, tsütsüghu no ayeghi lo ghuqhi move.

AHOLE 15:29

Ampeu ye kixikilami launo putosüu ani ikemu Pa no akivimi kighini chilutsü cheni.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

AKIKIHI 11:2

Tileno timiqo no Moses lau ighamku, eno pa no Ampeu lau inikhu kelo ami inheilove.

MATTHEW 21:22

Eno nongu no akighini lono kiu kiumu khu kelo, nongu no aküpülü aghi aye ithulu nani.”

MATTHEW 3:6

eno panoqo xine piphe kelo pa no Jordan ghoki lono baptiz shitsü che.

Mark 1:5

Judea ghakhu eno Jerusalem lo akemi kümtsü no pa lau wuche eno pano xine piphe kelo pa no Jordan ghoki lono panoqo baptiz shitsü cheke.

Luke 9:6

Panongu no aphuqo lo atsakiviu sheshu eno shikipivi kümla shisü aqha kümtsü lo wuve.

John 9:31

Ningu no ithi anike Alhou ye axinemi tsa initsü chemoe, ikemu khunono Alhou mlla eno Pa pulou shi cheni keno Alhou no pa tsa initsü cheni.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 19:18

Pülü luve kemi gholo ghi kutomo no ighi no panongu no kiu mlache keno küsü mono aqha zülono piphe.

Apostolmi 8:24

Simon no khochile, “Nono pive keu lakhimu I shou ighi pemoni ke I ghenguno Ampeu vilo inikhu tsülo.”

Rommi 3:10

ti ye ishi yepüakeu kiqi lonoe: “Khunomu amikucho kumoe, milakhimu kühae;

Rommi 5:19

Kughengu timi lakhiw hekibide ghenguno kutomo pesü axinemi shivepe ketoi Timi lakhiu ghokulu ghenguno kutomo pesü achipikalupe nani.

Kolosiami 1:9

Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,

1 Thes. 5:17

tamono inikhu lo,

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

1 Thes. 5:25

Athiküzümiqo, ni ghenguno no inikhu tsülo.

IBRIMI 11:4

Aküpülü lono Abel no Cain nguno ikhikulupu ghakishi Alhou lau tsü, eno Alhou no pa kümllagho ikhilu tsüno aküpülü vecheo pa ye amikucho kepi kihi tsüe. Pa ye thive namu aküpülü vecheo pi chephie.

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

IBRIMI 12:13

nongu la müzüchoi shilo, tishianguno apukhu kinitave kemi no ala chepimimo nani ikemu shipivilu nani.

IBRIMI 13:18

Ni ghenguno inikhu tsülo, ningu mlo ye tsüghükhüi ani kepi thebei ani, eno alaghi kümtsü lo gihuküzüpu shinike kümsü acheni.

JOSHUA 10:12

Ampeu no Amorimi shou tokulu pe Israelmi tsüke tsala lo Joshua no Israelmi nhethe lono Ampeu pütsae, “Khetsünhe, no ye Gibeon shou ngolo, eno aqhi no Aijalon khila shou ngolo.”

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

SAMUEL ATUGHIU 1:12

Li no tamono Ampeu zülo inikhua, eno Eli ye li kichi chheju ae.

SAMUEL ATUGHIU 12:17

Ishi ye ashothi ghile ghuloki ke kumo keshea? I no Ampeu kuni, tishino Pa no pasapagha eno tsütsüghu puwu tsü peni. Nongu no nongu ghenguno akükau khu keu lono now küsakügha kije shive akepi nongu no ithi eno ithulu nani.”

SAMUEL ATUGHIU 12:18

Ikehu Samuel no Ampeu ku, eno tipa tsalani Ampeu no pasapagha ngo tsütsüghu puwu, eno timi kümtsü no shishe Ampeu ngo Samuel msave.