James 5:11 - Sumi Naga CL (Re-edited) Bible (BSI)

¹¹ Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

BAIBEL (BSI)

¹¹ Khunoqono puqhekulu shi keno tipaqo lokivipukepi picheni. Job no puqhekulu shikeu nonguno chiluvae, eno ashekhalo Ampeu no kishi shitsukeno nonguno ithuluvae. Ampeu ye kimiyeqhiyi keu eno kupuqhiyi keuke.

Sümi Tiqhelimi Bible

¹¹ Nongu no ithi akeu toi, ningu ye khunoqo no tsükhoi shi no aghime puqhelu keno tipaqo ye akümghau kepi kihi cheni. Nongu no Job’w tsükhoi keu ghili chiluvea eno Ampeu no ashekha lo kiu shive keno nongu no ithuluvea. Ampeu ye kimiyeqhiyi keu eno kimiyekini no chhitoi ke.

James 5:11 Iomraidhean Croise

YEKIKITHI ATUGHIU 21:13

Tile David no Gad vilo pi, “Ni ye shishe avesavae. Ikemu ni ye timi u lo kumono Ampeu u lomu ikiqi iloni, kughengu Paw kimiyekini ye ighono kije ke.”

YEKIKITHI AKINIU 30:9

Nongu no Ampeu lau xaide aye, no thiküzümi eno atianuli ye pano küghaluve kemi no kimiyeve no aghakhu hipau lo ideighive nani. Kughengu Ampeu nongu Lhou ye küpükini eno kimiyekini, eno nongu no Pa lau xaide aye, Pa ye nongu launo Pa gi tsüghüve monani.”

NEHEMIA 9:17

Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

NEHEMIA 9:31

Ikeghi Ow kimiyekini kije lono Nono pano püghave mo momu qhive moe. No ye küpükini eno kimiyekini Lhou ke.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

JOB 1:2

Pa ye ati-anuli kiptimi tsüni eno totimi küthü ache.

JOB 2:10

Ikemu pa no li vilo pi, “No ye mbomzümi totimi tsapi toi pi ani. Ningu ye Alhou launo akivi likhi luno alhoksa ye lumoveni keshea?” Hi kümtsü lo Job ye pa kichi lono axine tsa pimoe.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

LESHELE 103:13

Apu lakhi no pa tianuli lau kikimiye piye cheke toi, Ampeu no Pa gihu chekemi lau kimiyekini piye cheni.

LESHELE 103:8

Ampeu ye küpükini eno kimiyekini, asheshi no amloide eno iqemokeu kikimiye no chhitoi.

LESHELE 116:5

Ampeu ye küpüqhiyi, eno amikucho ke; ni Lhou ye kimiyekini ke.

LESHELE 119:132

Khunono O kimiye cheni keno pano lau tishi cheke toi, I lau tsüghü ighilo eno I küpüqhiyi tsülo.

LESHELE 145:8

Ampeu ye küpüqhiyi eno kimiyeqhiyi ke, asheshi no amloide cheni eno iqemokeu kikimiye no chhitoie.

LESHELE 37:37

Tukutiye küha kemi amichi shilo eno akümzümi ju püalo, kughengu külakishimi ghengu ye hithiu tsala kivi ani.

LESHELE 51:1

O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

LESHELE 94:12

O Ampeu, Nono ghasü chekemi, eno O yezah shika chekemi ye alokivipue,

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

YETSAPIU 7:8

Ashekuho no abothu nguno akiviue, alolo kutuukulu no alolo aqheküza nguno akiviu ke.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

DANIEL 9:9

Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

AKIKIHI 14:18

‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

Luke 11:10

Kughengu khu kemi no ithulu cheni, phu kemi no phulu cheni, eno kukhu kemi lau khaqhi tsü nani.

Luke 6:36

Nongu Papu no kimiyekini no chhitoi ketoi nongu ghi kimiyeqhiyi lo.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 2:4

Ikemu Alhouw kimiyekini, khipau pesü Pa no ningu kimiye keno, kije akeu vecheo küpükini no nibonilei akehu

IBRIMI 10:39

Ikemu ningu ye athiu idewove no pühaveni kemi kumo püzü aküpülü akemi eno Alhou no püxü keqoke.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 3:14

Ikemu nongu no achipiu-mikucho ghenguno imeve kepushi namu nongu kümghapu shinani. Tipaqo msaichi kevi momu jupe amlosa kevilo,

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,