James 4:8 - Sumi Naga CL (Re-edited) Bible (BSI)

⁸ Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

BAIBEL (BSI)

⁸ Alhou lau kupunu ighilo eno paye nongu kupunu ighi nani. Nongu axinemiqo, nongu-u shikimthevelo! Nongu amlo kini puchekemiqo, nongu mlo qhukimthevelo!

Sümi Tiqhelimi Bible

⁸ Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

James 4:8 Iomraidhean Croise

BOTHUBO 18:23

Abraham no kupunu ighi no pi, “No ye mtsüqheino kixikilami gholono amikuchomi joleveni keshea?

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

JOB 16:17

I u pesü kiumu kütsakungo mo, I kighini no tsüghükhüi keghi hitoi I lau shivae.

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

JOB 9:30

I no mürasü pesü ni ampi qhuve no ayevu no I u mütsüve namu,

LESHELE 119:113

Amlo kini kupumi ye I no mithi ke, ikemu ni ye O yezah kimiye cheni.

LESHELE 145:18

Ampeu ye khunono kuchou lono Pa ku cheni keno pano phivilo ani.

LESHELE 18:20

Ampeu no I chipiu mikucho kiqi lono I lau mlatsü; I u kimthe kiqi lono Pa no asaxü I tsüe.

LESHELE 24:4

Khuu no au mithe eno amlo tsüghükhüi ani, khuu no kichile lau pa küxü pephetsü chemo eno pishikiqhi shoqhi shichemo keno pa no tishilu nani.

LESHELE 26:6

O Ampeu, ni ye akipimi küküha michishi I u mütsüve no O kümlla khache homxa ghi,

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

LESHELE 73:13

I no I mlo akimthe shipe qhikeu eno akipimi küha keu shi I u mütsüve keu kümtsü adou shivae.

LESHELE 73:28

Ikemu I ghengu ye Alhou phivilo ngolu keu pavie; ni ye Ampeu Alhou pesü Iw sükusho shivae, tishikeu lono I no O kümla ghili pini.

ISAIAH 13:15

Pocheke lono ithuluve eno küghaluve keu ye qhuqhive nani.

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

JEREMIYA 4:11

Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

AKUMLO 3:57

I no O ku kelo Nono kupunu ighi no pi, ‘Msa kevilo!’

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

ZEKHARIA 1:3

Tighenguno panoqo vilo pilo, aqokitikhi Mpeu no shuphe: I lau ideighilo, aqokitikhi Mpeu no piani, eno I no nongu lau ideighini.

MALAKI 3:7

Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

MATTHEW 15:2

“Kushiye o khopemi ye püzüu apuasü khuaye hexave cheni kea? Kughengu panongu ye chuni kelo pano u mütsü chemoe.”

MATTHEW 27:24

Kughou Pilate no pa ye kiumu shimlave keu ithive, eno halau no mqhumza ipeghiuve keno, pa no timiqo zülono azü pesü pa u mütsüve no pi, “Timi hipau ji pelekeu lo I kipimi kühae, hi ye nongu makhoae.”

Apostolmi 15:9

eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

1 Tim. 2:8

Ikehu, ni ye kiptimi pelo axuide eno kütsala mono aqha kümtsü lo pano u kimthe peqhepe akighini shipeni shi;

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 7:19

(kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.

James 1:8

Pa ye amlo kini puche kemi, eno pa küxü lo tsaqüi moke likhie.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

SAMUEL ATUGHIU 14:35

Saul no akümlla-khache Ampeu lau shiqhe; ti ye pa no Ampeu lau akümlla-khache shiqhe keu atüghüu ke.