James 4:4 - Sumi Naga CL (Re-edited) Bible (BSI)

⁴ Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

BAIBEL (BSI)

⁴ Pukhukilemla keu lhoxuqo! ayeghi sasu ashou shichekemiye Alhou ghumikepi nonguye mtha kesha? Tighenguno khunono ayeghi sasu ashou shinishi keno paye pa pesu Alhou ghumi shianie.

Sümi Tiqhelimi Bible

⁴ Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.

James 4:4 Iomraidhean Croise

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

LESHELE 21:8

O u no o ghümi kümtsü küghaluve nani; khunono o mithi cheni keno O u ajeu no küghaluve nani.

LESHELE 50:18

Nono küpkami ithulu aye, pa gholo amlokiqi shiuve, eno küsalhami loji sasü kuloji wuve cheni.

LESHELE 73:27

Kughengu O launo putosü lo akemi ye pühave nani; O pükhü kümlami kümtsü Nono kishekhave tsü nani.

ISAIAH 57:3

Ikemu nongu tuumi eno kütüqhalimi nuliqo, hilau kupunu ighilo.

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

JEREMIYA 9:2

Asayeqha lo kicheghüzümi kungoki I no aghike aye, ni ye Iw timiqo qhive no tilau wuveni cheke! Kughengu panongu kümtsü küsalhami, pishikiqhi lojimi.

EZEKEL 16:32

Anipu asalhau, nono akimi nguno kiptimi tüsümiu sasü züke!

HOSIYA 3:1

Ampeu no I vilo pi, “Israel tianuliqo no kütau lhouqo lau tsüghüsü wuve eno atsaikipki sho kimiyeuve namu Ampeu no panongu kimiye aketoi itaghi wulo, totimi khuu kütami no kimiye ani eno küsalhami shi acheni keno li kimiyelo.”

MATTHEW 12:39

Ikemu pa no khochile, “Alhoksa eno Alhou sümo keu tiqheli no amchipu likhi phucheni, ikemu tungkupu Jonah lau amchipu piye keu kumo aye kütau kiumu tsümo nani.

MATTHEW 16:4

Kixikila eno amikucho kumo tiqhelimi no amchipu phucheni, ikemu Jonah michipu nguno alau kütau michipu ye tsümo nani.” Tishino pa ye panoqo qhive no wuve.

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

John 15:19

Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.

John 17:14

I no O tsa pesü panoqo tsüe, eno ayeghilomi no panoqo mithi, kughengu I no ayeghi laumi kumo ketoi panongu ye ayeghi laumi kumoe.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

Rommi 8:7

Ashi küdau amlo tsükeu ye Alhou ghümi shivae, kughengu ti ye Alhou Yezah qhoqhü luamoe; kuchou no ti ye qhoqhü lumo nani.

1 Kor. 1:20

Alokütsüu khile ani kea? Ayezah shikükau khile ani kea? Hipa tiqheli lo kighekithiu khile ani kea? Alhou no ayeghi lo lokütsü pesü mbomzü shivetsü ake kumo?

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.