James 4:3 - Sumi Naga CL (Re-edited) Bible (BSI)

³ Nongu no khu cheni kemu ithulu chemoe, kughengu nongu no akumou lono nonguw minemighei keu ghapiqi niye khu kehue.

BAIBEL (BSI)

³ Nonguno khu cheni ikemu tipau ithulu chemoe, kughengu nonguno akumou lono khukehue, tiye nonguno ngosukumla ghapiqiniye khu chenike.

Sümi Tiqhelimi Bible

³ Kughou nongu no khuni keno, nongu ye ithulu chemo, kughengu nongu no achipikumo kükümsüqo xapu khu cheni, tishi keu vechewo nongu no kiu lono alokivipu ithulu cheni keno tipau lo puwove niye khu cheni ke.

James 4:3 Iomraidhean Croise

KUKAMI ATUGHIU 3:11

Alhou no pa vilo pi, “Nono axü kushu, küakini, momu o ghümi pithive tsü penike züqhulo kiu no achipi keno ti ithini keu lokütsü khu kehu,

JOB 35:12

Panongu no ighamku anamu alhoksami qheküza ghenguno Pa no khochile moe.

LESHELE 18:41

Panongu no kuphu penike ighae, ikemu khunomu xalu moe; Ampeu lau igha kemu Pa no khochile moe.

AHOLE 1:28

Tishino panoqo no I ku nani, ikemu I no ini tsümo nani, panongu no müamzü I phu nani kemu phulumo nani.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 21:13

Khunono kumlhomi sütsa initsü moni keno kutou pa no ku kelo pa sütsau ghi khochile tsümo nani.

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 11:14

“Tighenguno timi hipaqo ghenguno inikhu kevi, momu pano züqhushi ighamku khu kevilo, kughengu pano veküsa lo panongu no I kunamu Ni ye ini tsümo nani.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

MICAH 3:4

Tileno panongu no Ampeu lau qasü ighi nani, ikemu Pa no khochilemo nani; tipa ghuloki lo Pa no panongu launo Pa gi küsüve nani, kughengu panongu no küsakügha kümla shive ke.

ZEKHARIA 7:13

“I no ku akeghi panongu ye chilu move, ikehu panongu no ku kemu I no chilu tsümove,” ipi aqokitikhi Mpeu no pi,

MATTHEW 20:22

Ikemu Jisü no khochile, “Nongu no kiu khu ani keno nongu ye mtha aphie. I no shoniye akeu jukhu nongu ye sholu nani keshea?” Pama no khochile, “Nikujo ye tishilu nani.”

Mark 10:38

Jisü no pama vilo pi, “Nokujo ye kiu khu ani keno ithi amoe. Nokujo ye I no shoniye akeu jukhu sholu nanio? Momu baptiz khikhi I shou shitsü keno nokujo ye baptiz tipau shilu nanima?”

Luke 11:10

Kughengu khu kemi no ithulu cheni, phu kemi no phulu cheni, eno kukhu kemi lau khaqhi tsü nani.

Luke 15:13

Kushuo kumo lo anu ayitiu no pa saje qhoi kimje pesü a-a kushuo lo wuve, eno tilau no pa kini kümtsü kuthole peitha khave.

Luke 15:30

Ikemu kughou o nu khuu o mheghi kuchopu pesü kütüqhalimi gholono kuthole khave tsü keno, hipau no ighi kelaye nono pa ghenguno amshiti athakupuu heqhi tsüe!’

James 4:1

Nongu gholo kighekile keu ngo kichighi keu ye kiu no kea? Ti ye nongu no pitipüza keu no nongu lolo kichighi keu ghenguno ke kumo?

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

1 John 5:14

Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.