James 3:14 - Sumi Naga CL (Re-edited) Bible (BSI)

¹⁴ Ikemu nongu mlo lo khumtsai keu nhekushu eno aghükha aghi aye, qheza kevilo eno kichile pesü kuchou shoqa kevilo.

BAIBEL (BSI)

¹⁴ Ikemu nongu mlolo kukhu-kimiji ngo anhekushu eno aghukha ani aye nonguye aqhekuzashi puzu kuchou shou akimkitsa pikepu kumoe.

Sümi Tiqhelimi Bible

¹⁴ Ikemu tsalá nono O mlo lo mijimülai keu nhekushu eno alakimine kimiji ghakütsüpe qhi aye, tipau ghenguno qheza kevi momu kuchou milive kevilo.

James 3:14 Iomraidhean Croise

BOTHUBO 37:11

Pa mu noqo ye pa ju anheshuve, ikemu pa pu no atsa hipaqo pa mlo lo qhiluve.

BOTHUBO 38:9

Ikemu Onan no atikughuko ye paw kumo nanie pi ithi ae. Ikehu kugho kughomu pa no pa mu nipu lau wu kelo pa ye aphizü ayeghi lo peleve che, tishianguno pa mu tikughuko tsü moniye ke.

KUKAMI AKINIU 10:16

Pa no pi, “I gholo ighilo eno I no Ampeu lau amlo tsüche keu julo.” Ikehu Jehu no pa paw khurkulu lono pa sasü wu.

KUKAMI AKINIU 10:31

Ikemu Jehu ye tsaqütsalei Ampeu, Israel Lhou yezah lono checheni keu shimove. Pa ye Jeroboam xine khikhi no Israel pelo axine shivepe keno, tipau lono tsüghü move.

JOB 5:2

Mtsüqheino amloide kalo keu no mbomzümi pithive cheni, eno anhekushu no itikütüpa kemi ghiqhive cheni.

AHOLE 14:30

Iqünhei keu mlo ye aphimpi lo aküxüpu sütsü ani, ikemu anhekushu no aghi anhü pesü tsümavepe cheni.

AHOLE 27:4

Aloghu ye ayiküsa, eno amlo kighide ye kütsakungo keu, ikemu khuu no anhekushu zülo puthugho luni kea?

ISAIAH 11:13

Ephraim nhekushu ye kühave nani, eno Judah peitha püsa kemi ye kütsave nani; Ephraim ye Judah jupe anheshumo nani, eno Judah ye Ephraim peitha püsamo nani.

HABAKUK 1:3

No ye kushiye I pelo kixikila ithulupe, eno Nou no inaqhoi pimi keu ju ani kea? Kütsakungo eno heqhi buqhi keu no I phivilo ani; Kumgho kütsala keu ipeghi anie.

MATTHEW 27:18

Panongu ye Jisü ju anheshu kelauno ikhiphepe tsüvae pi Pilate ye ithi ae.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

Apostolmi 13:45

Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

Apostolmi 26:9

“Niu ghi Nazarethmi Jisü je mjochile nike tolukivi thaqhü mla masae pi kümsüche.

Apostolmi 5:17

Tile achinetou eno pa gholo akemi (ti ye Sadduceemi loji) kümtsü lolo anhekushu iloghive.

Apostolmi 7:9

“Apuasüqo no Joseph ju anheshu püzü Egypt lo pa jepuwuve; ikemu Alhou no pa gholo ae,

Rommi 1:29

Ikehu panongu ye achipikumo, kixikila, akughuvu, aghichikupo, lhoaye no chhitoi ani. Pano lolo anhekushu, ghikiqhi, kuqhu-kidikumo, pishikiqhi, kütami lau alhoksa shini keu likhi ke. Panongu ye timi xikishimi,

Rommi 13:13

Ningu aküvü lo kichemi toi tsaqütsalei checheni thono ashi ghapiqi ghi shomzü moni, shupu-salha eno ghaghu-ghale shimoni, momu mtomshu eno anheshu moni nolo.

Rommi 2:17

Ikemu no ye Jewmi; Ayezah pükhü chekemi; Alhou ithi anie pi aqheküza shi o likhi nou no pi aghi aye;

Rommi 2:8

ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani.

1 Kor. 13:4

Kikimiye ye kheakulu eno amlo ighiqhiyi; kikimiye ye aghichipo chemo, qhezalaki chemo; akuchhoma shichemo;

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

1 Kor. 5:2

Ikeghi nongu ye akuchhoma shiani! Nongu ye mlo akelau kekumo? Khuu no hikithipu shipüani keno nongu gholono haphevelo.

1 Kor. 5:6

Nongu qheküza ye aloke kumoe. Kholaqhi kitila no asho kunu püakeu kuchopu inguvepe chekeu nongu ye mtha keshea?

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

Galatiami 5:15

Ikemu nongu no lakhino lakhi mikiqhi eno ghüzakile aye lakhino lakhi kütsave moni mala jualo.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

Galatiami 5:21

aghichikupo, shokümzü, kuthole chusho keu, eno hitoi keu lhoayeqo. I no azüu no nongu ghutuve ketoi itaghi ghutu ani, khunono hipaqo shicheni keno Alhou yekipe ighimla nani.

Galatiami 5:26

Ningu qhezamoni momu lakhi no lakhi xukuthomoni momu lakhino lakhi jupe anheshu moni nolo!

Galatiami 6:13

Kughengu khunono aphighüyiko ghave akeno panoqou ghi Ayezah pelu chemoe, ikemu panongu ye nongu pelo aphighüyiko ghave penishi ani, tishikeu lono nongu phiashi vecheo qheza niye ke.

FILIPIAMI 1:15

Khami ye anhekushu eno kitighekile keu lono Khristo sheshu cheni, ikemu khamiu ye achipiu mlo xapu sheshu cheni.

FILIPIAMI 2:3

Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.

1 Tim. 2:4

Pa ye timi kümtsü pelo xaluve eno kuchou ithi penishi ke.

1 Tim. 6:4

pa ye aqheküza no chhitoive no kiumu vethamlavae. Pa ye atsa ghenguno aküküpna eno kighekile nikeu no pa pulou, tishikeu lono anhekushu, küsüxa keu, thaigha keu, pülüküpsa,

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

James 3:16

Kughengu khile anhekushu eno aghükha ani keno, tile kübangü keu eno alhoksa jeli kümtsü anie.

James 5:19

I thiküzümiqo, nongu gholo milakhi no kuchou launo wuve kelo milakhiu no pa sachile ighi aye,