James 2:6 - Sumi Naga CL (Re-edited) Bible (BSI)

⁶ Ikemu nongu no kumlhomi gihu movae. Kinimiu no nongu nedaqoda eno küghakütha-a lo nongu sünhe sawu cheni kekumo?

BAIBEL (BSI)

⁶ Ikemu nonguno kumlhomi phimo gihumo chenie! Kinimino nongu nedaqoda cheni eno nongu sunhe sasu kughakutha alo wuchenike kumo kesha?

Sümi Tiqhelimi Bible

⁶ Ikemu nongu no athokhami gihumove ke. Kinímiqo no nongu haphe anike kumoe? Nongu sünhe pesü küghaki lo wu keu ye panongu ke kumo keshea?

James 2:6 Iomraidhean Croise

JOB 20:19

Kughengu pa no kumlhomi nedaqhi eno jumove; eno pa no shiqhe pukumo keu ki süxaluve tsüke.

LESHELE 10:10

Akukuphu küha kemi munudaqhi, panongu ye pa kumto qholo ikiqive cheni.

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

LESHELE 10:2

Kixikilami no aqheküza shi kumlhomi hakuqo cheni; pano no kuchughu akeu mqü lono kitimeve pelo.

LESHELE 10:8

Pa no aphuqo lo ghüthepe ngokhe cheni; aküghütshü-a lono pa no pimihami ghiqhi cheni. Pa nhethi no akukuphu küha kemi tuqhou no jukuto cheni;

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 14:6

Nono kumlhomi kukughu shikukujo cheni, ikemu Ampeu no pa küghütshü-a ke.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

AHOLE 18:23

Kumlhomi ye mlominyi shi qhüiniju cheni, ikemu kinimi ye akiphikumoshi khochile cheni.

AHOLE 22:16

Küakini kughuko niye kumlhomi nedaqoda, momu tughotili pesü kinimi tsü chekemi ye kumlhomiu shi nani.

AHOLE 22:7

Kinimi no kumlhomi qhasü cheni, eno akünami ye pünatsü akemi qüaxemi ke.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

ISAIAH 53:3

Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

AMUS 4:1

“Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

AMUS 5:11

Kughengu nongu no kumlhomi nedaqoda eno pa launo athi zame luve chenike ghenguno, nongu no heküthatu ki shiqhe püaghi namu, nongu ye tile ngomla nani; nongu no alo kepushi atsailu chi ani kemu nongu ye tipaqo tsaiji shomla nani.

HABAKUK 3:14

Tuqhouno kumlhomi pishiqhini ye alovi ake toi, khuu no I haleveni ye miyitsü toi ighi keno, Nono pa piji pesü paw ghüshimiqo kütsü lo chhesüve tsüe.

ZEKHARIA 7:10

chimemi, mighimi, shoinami momu kumlhomi nedaqoda kevilo, eno nongu dolo khunomu amlo lono lakhino lakhi shou alhoksa kuchughu kevilo.”

John 8:49

Jisü no khochile, “I lolo tüghami kühae, eno ni ye I Pu gihu cheni kemu nongu ye I gihu chemoe.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 17:6

Ikemu kughou pama phumlave keno, panongu no Jason ngo athiküzümi khami sünhe sasü mishighüna yepemi zülo wuno ighamku pi, “Ayeghiqha pesü akütsü no aqhoshi tsü kemi hilau ghi ighivae,

Apostolmi 18:12

Ikemu kughou Gallio no Achaia lo angh shive keno, Jewmi kümtsü küqha no Paul küghape küghaki lo saghi,

Apostolmi 8:3

Ikemu Saul no akukuhou kütsa thuve, pa no aki kümtsü lo ilo no küpülümi kiptimi totimi sünhekiti sawo akughuki lo süve.

1 Kor. 11:22

Kiua? Nongu ye chushoni ke pütüta ki küha keshea? Ikeo nongu ye Alhou kukuhou thaigha eno kumlhomi shikukujo niye kea? Ni ye nongu vilo kiu pini kea? Ni ye hipau lo nongu sheqhe luni keshea? Moe, ni ye tishimoe.

James 2:3

eno tsala nongu no aphimini kivi pepusü ighikeu jukuto auve no pa vilo, “Hilau alakhü kivi lo iqalo,” ipini, ikemu akumlhou vilo ye, “Tilau puthugho lo” momu “I pukhu philo iqalo,” ipi aye,

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

James 5:6

Nongu no pimimo keu kileqhive no ghiqhivae. Pa ye nongu mjochile chemoe.