James 2:13 - Sumi Naga CL (Re-edited) Bible (BSI)

¹³ Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

BAIBEL (BSI)

¹³ Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

Sümi Tiqhelimi Bible

¹³ kughengu khukhumu kimiyekini küha kemi lau ye kimiyekini pìyemo no küghatha nani. Kimiyekini no küghakütha shou tokulu shilu cheni.

James 2:13 Iomraidhean Croise

BOTHUBO 42:21

Tithiu panongu lakhino lakhi vilo pi, “Kuchou loye ningu ye ni thiküzüu vehu lo akipimi anie, ningu no pa ngulho ghime kitikhi ithulue, pa no ningu vilo qhüiniju kemu ningu no initsü moveke. Tighenguno aghime kitikhi hipau ningu shou ikughi anie.”

YEKIKITHI AKINIU 28:11

Ikehu itehi I tsa inilo, no bolomi akughumi gholono kügha saghi akeqo kighide puwove lo, kughengu Ampeu loghu ye nongu shou ikughivae.”

LESHELE 18:25

Kimiyeqhiyi kemi lau Nono kimiyeqhiyi keu piye cheni; tukutiye küha kemi lau Nono tukutiye küküha piye cheni;

LESHELE 85:10

Iqemokeu kikimiye ngo pükhükulu ye kusholu cheni; achipiu mikucho ngo külakishi ye kümüma kilelu cheni.

AHOLE 21:13

Khunono kumlhomi sütsa initsü moni keno kutou pa no ku kelo pa sütsau ghi khochile tsümo nani.

AHOLE 22:16

Küakini kughuko niye kumlhomi nedaqoda, momu tughotili pesü kinimi tsü chekemi ye kumlhomiu shi nani.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

JEREMIYA 9:24

ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

MATTHEW 5:7

“Kimiyeqhiyi chekemi kümghapue, kughengu panongu ye kimiyeqhiyi keu ithulu nani.

MATTHEW 6:15

ikemu nongu no kütami kipimi peve tsümo aye, nongu Papu ghi nongu kipimi peve tsümo nani.

Luke 16:25

Ikemu Abraham no pi, ‘Anu, o küxü tivilo no ye thime kivi pesü ow shilue, titoi Lazarus ye alhoksa likhi ithulu kepi kümsü luniwa; ikemu itehi pa ye hilau alokughunopu ithulu ani, eno nou no aghime lo ani.

Luke 6:37

“Küghathabe kevilo, eno o shou küghathabe monani; akipimi phu kevilo, eno o kipimi phutsü monani; akipimi peve tsülo, eno o kipimi pevetsü nani;

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

XAKUTHAMI 5:27

Li pukhu dolono pa ye ikiqive no ithamo no ngove; li pukhu dolono pa ye ikiqive; pa no khile ikiqive keno tilehi no thive.