James 1:5 - Sumi Naga CL (Re-edited) Bible (BSI)

⁵ Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

BAIBEL (BSI)

⁵ Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

Sümi Tiqhelimi Bible

⁵ Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

James 1:5 Iomraidhean Croise

YEKIKITHI ATUGHIU 22:12

Kütau nguno alau, Ampeu no alokütsü ngo vethakulu pesü o kümghatsü peni, tishianguno kughou nono Israel yepeu shini keno, o pelo Ampeu o Lhou yezah pelu penie.

YEKIKITHI AKINIU 1:10

Itehi ye timi hipaqo sapheni ke alokütsü eno akighithi I tsülo, kughengu khuu no Ow timi hijeje shou ayepe luni kea?”

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

IPEKULU 31:3

eno I no mlakulupu küka, alokütsü, akighithi, eno kütshakügha gholo Alhou Ghungu pesü pa shepichhivae,

IPEKULU 31:6

Julo, pa gholo mla penike I no Dan shiayemi Ahisamach nu Oholiab süküsü shivae. Eno mlaluni kemi kümtsü lau I no mlakulupu küka tsüvae, tishino panongu pelo I no azah tsükeqo kümtsü shilu peni:

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

MATTHEW 11:20

Tishino Jisü no aphughi khipaqo lo pa no akümzapu kümla shipüa keno, tipaqo no xaidemo kehu sakiyi thuve.

Mark 16:14

Ado hami thiu akhopemi chighiqhaqhi no aghulhu shi ake lono pa no ipeghi, eno panoqow pülükümla ngo amlo kümka ghenguno pa no sakiyi, kughengu pa no xüthughive kethiu pa ithulu keqo tsa panongu no pülü moke.

John 14:13

Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

2 Kor. 2:16

pühave akemi lau ningu ye akithipu xokütsüngü, xaluve akemi lau ningu ye aküxüpu axokütsüngü ke. Khuu no hipaqo shikulupu kupukülai ani kea?

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.