ISAIAH 9:6 - Sumi Naga CL (Re-edited) Bible (BSI)

⁶ Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

BAIBEL (BSI)

⁶ Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

ISAIAH 9:6 Iomraidhean Croise

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

KUKAMI ATUGHIU 2:33

Pama heqhive keu ngusü ye Joab ngo pa lagha shou alholo anani. Ikemu David ngo pa lagha eno pa kibolomi ngo pa kükalakhü ye Ampeu launo alholo aloino ache nani.”

KUKAMI ATUGHIU 2:45

Ikemu Akükau Solomon ye akümghau, eno David kükalakhü ye alholo Ampeu zülo iqhikumto tsü nani.”

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

LESHELE 45:3

O jekipi eno akughushu lono o zütakikihi o yiku lo chhepu lulo, O akumtou!

LESHELE 45:6

O Alhou, O kükalakhü ye alhokupuju eno alholo ke. O kükaküsü ye achipiu küsü ke;

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

LESHELE 50:1

Akughushuu, Ampeu Alhou no khetsünhe kipelau no kulolau kutolo ayeghiqha kusü no pütsae.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 72:3

Timiqo ghenguno naghuto pelo kinikülü shi ipeghi pelo, eno atoghi pelo achipiu mikucho xathi pithi pelo

LESHELE 72:7

Pa ghuloki lono amikuchomi pelo ikowolu pelo, eno atsütsü lo aqhi kühave moke kutolo aloino apelo!

LESHELE 85:10

Iqemokeu kikimiye ngo pükhükulu ye kusholu cheni; achipiu mikucho ngo külakishi ye kümüma kilelu cheni.

LESHELE 89:5

O Ampeu, kungugha no O kümzapu kümla, akimthemi hoho lo O pükhükulu ghili sheqhe pelo!

AHOLE 8:23

Mulhou ayeghi lhophe mphilo, abothu lono ni ghüpe qhike.

ISAIAH 10:21

Jacob lagha lo ghükulumi aghulo Akughushu Lhou lau ideighi nani.

ISAIAH 11:5

Achipiu-mikucho no pa pokha shino pükhükulu no paw chighichepu shinani.

ISAIAH 16:5

tileno iqemokeu kikimiye lono kükalakhü shosü tsü nani eno David laghami no ayepe nani, pa ye achipiu phu no xatha kemi, amikucho shinike khelho nani.”

ISAIAH 26:12

O Ampeu, Nono ni ghenguno aloinokeu puthuphe tsünani, kughengu Nono ni ghenguno thokha mlave tsüake.

ISAIAH 26:3

O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

ISAIAH 28:29

Hi ghi aqokitikhi MPEU launo ighi, Pa lokütsü ye akighiche eno Paw mijekütsü ye akümzapue.

ISAIAH 32:1

Julo, akükau no achipiu mikucho lono ayepe nani, eno yepemi no kuchou xakütha lono ayepe nani.

ISAIAH 37:32

Kughengu Jerusalem ngo Zion Toghi lono ghükulumi, aküxü aghi kemi loji ipeghi nani. Aqokitikhi MPEU kupulo lono hipau shinani.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

ISAIAH 53:5

Ikemu ni xineqo ghenguno Pa ghüzaveke, niw shikipimi ghenguno Pa ye heqhive; pa shou aghime puku keu huno ni lau aloino keu süghi, eno Pa shou hepuku keu zaku no ni lau shikipivi süghie.

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

ISAIAH 8:18

Julo, ni eno atianuli khunoqo Zion Toghi lo achekeu aqokitikhi MPEU no I tsü keno, ningu ye Israel ghenguno Paw michipu eno xüakeu thopi ke.

JEREMIYA 31:22

O aküpülü kükühau atotiu, no ye khitohi künachoni kea? Kughengu Ampeu no ayeghi lo thime kithe lhophevae: totimi kiptimi süho luve nani.”

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”

MATTHEW 1:1

Jisü Khristo, David nu, Abraham nu, puasüqo laghaphi kaku.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:16

Paw kupukülai keu lono ningu kümtsü no küpükini shou küpükini ithuluvae.

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

1 Kor. 15:25

Kughengu Alhou no Pa ghümi kümtsü Pa pukhu philo qhitsü moke kutolo Pa no ayepe masae.

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

Kolosiami 2:3

Khristo lau alokütsü eno akighithi kini khuki kümtsü küsüpe püani.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

IBRIMI 1:8

Ikemu Anu ghengu ye Pa no ishi pi, “O Alhou, O kükalakhü ye pülhapuju eno alholo ke, O mikucho küsü huno O kükaqha yepeu ke.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

XAKUTHAMI 13:18

Kungumi no pi, “No ye kushiye I je ithinishi ani kea? Hi ithulu akeu no akümzapue.”