ISAIAH 9:4 - Sumi Naga CL (Re-edited) Bible (BSI)

⁴ Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

BAIBEL (BSI)

⁴ Kughengu panoqo qaqhichekeu makho nono kubolevetsuke eno pano bighi ghaqhichekeu kussu hechhevetsuke. Nono kha-aghi Midiami toluveke toi owu timi qodaqhi chekemi shiayeh toluveke.

ISAIAH 9:4 Iomraidhean Croise

BOTHUBO 27:40

O zütakikihi lono no ye xünani, eno no ye o thiküzüu qe nani; ikemu kughou nono hebideni keno paw kuokhasü o kuo lono nono hechhe nani.”

LESHELE 125:3

Kixikilami kükaküsü ye amikuchomi saje shitsü keu yeghi lo ayepe mla nani, tikumo aye amikuchomi ghi pano u xachhope akumou mlauve nosae.

LESHELE 81:6

“Nongu bighi lono I no amakho ikhive tsüe; ashoghi kipe lono nongu u kümthü tsüke.

ISAIAH 10:16

Ikehu aqokitikhi MPEU Alhou no paw ghüshimi chhikhoi keqo lau aphikiqi küsü puwu tsüno pa küakini qhoi ami no pitive nani.

ISAIAH 10:5

Aha, Assyria, I loghu lo peitha chekeu qheküsü pano u lo anie!

ISAIAH 14:25

I yeghi eno I toghi lono I no Assyriami kütsave no nedave nani; Iw timiqo launo panow kuokhasü eno abighi lono amakho ikhive tsüni.”

ISAIAH 16:4

Moab lono hapheve kemi pelo no gholo ado hami ngolu pelo; kütsakungo kemi launo süsho lo. Kughou nedaqoda kemi kühave no kütsakungo keu taveni, eno munudaqhi kemi hauveni keno,

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

ISAIAH 52:2

Ayeghimkhu kuthove no ithughilo; tishino iqavelo, O Jerusalem, o kuo lo tsüghape akeu yikichhe lekho velo, o akughushi akeu Zion ngaqo.

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 9:5

Leighi kemi pukhukuqho ngo aji hepho pinyive keu phimini kümtsü ami lono pitivetsü nani.

JEREMIYA 30:8

“Tipa ghuloki lo hitoi shinani, aqokitikhi MPEU no sheshu, I no kuokhasü panongu kuo lono hephove tsü nani, pano kütsüghaqo pitive tsü nani, eno panongu ye inaghami qeu shimove nani.

JEREMIYA 48:17

Nongu pa phivilo küami eno pa je ithi akemi kümtsü no pa ghenguno mloqa pilo, ‘Kishino akumto eno ajekipi kükaküsü ye icheve akea?’

ACHINE 26:13

Ni ye Ampeu khuu nongu pelo aqüaxemi shipe moniye Egypt lono saipeghi keno, nongu Lhou huke. I no now kuokhasü kuboleve tsüno nongu pelo akütsü peqhepe chewulu peke.”

NAHUM 1:13

Eno itehi ye I no o phi lono paw kuokhasü hechheve tsüni eno o kütsüghaqo sütha kütüta shive tsüni.”