ISAIAH 9:17 - Sumi Naga CL (Re-edited) Bible (BSI)

¹⁷ Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

BAIBEL (BSI)

¹⁷ Tighenguno AMPEU ye lhothemi lakhimu pokawulu peni chemoe eno paye chimemi ngo mighimgha lakhi shoumu amlo ighiqhiyikeu anichemoe, kughengu timi kumtsu Alhou mthakemi eno kixikilami eno panonguno pikeu thwokha alhoksake. Tishivemu AMPEU loghu taveni chemoe ikemu ghimeqhinike pau chhopuwo achephike.

ISAIAH 9:17 Iomraidhean Croise

JOB 15:34

Kughengu Alhou kümthami loji ye anuhami ke, eno külügho lukemi phiki ye ami no pitive nani.

LESHELE 109:12

Timi khuu pelomu pa lau kikimiye pephepe kevilo, momu khuu pelomu paw mighimi nuli kimiye pekevilo!

LESHELE 147:10

Pa züküvü ye khurshi kumto lo anike kumoe, momu Pa lokiqipu ye timi pukhu lo achemoe,

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

ISAIAH 10:2

Iw timi kumlhomi chipiu luvetsü, aghibiu lono küghatha tsümono chimemi ngo mighimi pükaqhi niye panongu no tishi cheni!

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 13:18

Pano süzü no lhothemi kaqhi nani; akichhelo kupu eno itimiqo shou mu kimiyeqhiyi keu piyemo nani.

ISAIAH 14:20

Nono ow timi ghiqhive eno o yeghi kütsapinyive ke ghenguno no ye kükami kütami gholo shiqhomo nani. “Küsakügha polo kughukomi ye khilemu jekukithe pemoniu!

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

ISAIAH 31:2

Tishimu Pau no alokütsüu kehu küsakusho süghive cheni; Pa ye Pa tsa süchile chemo eno küsaküghami ngo pano kuphu chekemi mjochile ithughi cheni.

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

ISAIAH 33:11

Nongu no amuu mishipu ke aghijini punuqhi cheni; nongu kichi lono nongu pitini keu mi shephe cheni.

ISAIAH 33:12

Ashiayeqo ye asahubo michepe pitive keshi ayevu shi pitive nani.”

ISAIAH 40:30

Lhothemiu ghi lhove no qeinaive püzü atuthu kühano ikiqive cheni;

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

ISAIAH 65:19

Ni ghi Jerusalem shou alovini eno Iw timiqo shou alokivi shini; khunomu tilehi aküqa momu aghime ghügha chimla nani.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 9:21

Manasseh no Ephraim, eno Ephraim no Manasseh süqhi; pama küqhano Judah mjochile. Ikeghi Ampeu loghu ye tave mphi eno Pa u ye xachhope aphike.

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

EZEKEL 20:33

“I no xüake toi, Ampeu Alhou no asheshu, mtsüqheino au kumto eno au xachhope aloghu lephe keu lono I no nongu shou akükau shi nani.

AMUS 4:10

“Egypt lo toi I no nongu shou püsa puwu no azütakikihi pesü now lhothemiqo pithive, eno now khurshi süxape wuve, nongu ghazü lo akumo kümna pesü nongu nigi lo sütsü; ikeghi nongu ye I lau ideighi moe,” ipi Ampeu no pi.

AMUS 8:13

“Tipa tsalani ilimi jukivi eno apumiqo no tüghüthi kelauno iluqive nani.

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

MATTHEW 12:34

Nongu apighitiqo! Nongu ye küsaküghami ke kishino akivi tsa piluni kea? Kughengu amlo alou kupukuno shi akeu akichi no piphe cheni.

MATTHEW 16:3

Eno inaqhe nongu no, ‘Atsütsü ye huchuyi eno züchiyi ani keke ishi ye pasapagha tsala shinani’ ipi cheni. Nongu ye atsütsü lo juno atsala kiu toi nani keno pilu cheni, ikemu ado aghuloki michipuqo kiqilu chemoe.