ISAIAH 9:12 - Sumi Naga CL (Re-edited) Bible (BSI)

¹² Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

BAIBEL (BSI)

¹² Kipelauno Siriya eno kulolauno Filistiya no Israil tsuchuve nike panoqo baxa mukupe ani.Tishimu AMPEU loghu ye ashekha shi mphike; ghimeqhi nike pau chhopesu achephike.

ISAIAH 9:12 Iomraidhean Croise

KUKAMI AKINIU 16:6

Tileno Syria kükau Rezin no Elath luchile luve no tilehi no Judah timiqo hapheve, eno Edommi no ighive no ishi kutolo tile küghüna acheni.

YEKIKITHI AKINIU 28:18

Itaghi Philistiami no kulolau naghuto küxa lo mishighünaqo eno Judah apeu leighi no Beth-shemesh, Aijalon, Gederoth, Soco, eno tipa sükümxa lo aphu akeqo, Timnah eno sükümxa lo aphu akeqo, Gimzo eno sükümxa lo aphu akeqo hakho luve eno tipaqo lo xüsüve.

LESHELE 79:7

Kughengu panongu no Jacob tsüqhi chuvae eno pa ghüna-a kütsave tsüae.

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 11:14

Ikemu küma küqhano kulolau Philistiami lewu nani, eno kipelaumi nhemgha xülepe wuve nani. Küma no Edom ngo Moab mhoqhive nani, eno Ammonmi no küma gholu nani.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

ISAIAH 9:21

Manasseh no Ephraim, eno Ephraim no Manasseh süqhi; pama küqhano Judah mjochile. Ikeghi Ampeu loghu ye tave mphi eno Pa u ye xachhope aphike.

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 15:7

I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

JEREMIYA 35:11

Ikemu Babylon kükau Nebuchadnezzar no ayeghi lenike ighi kelo ningu no pi, ‘Ighilo, ningu Chaldeami eno Syria ghüshimi kümsa ghenguno Jerusalem lo wuveni.’ Ikehu ningu ye Jerusalem lo xüani.”

JEREMIYA 4:8

Hi ghenguno yeqhiyephi pepulo, mlolo eno amlo kighishi shilo, kughengu Ampeu mlokighide ye ningu launo tsüghüsü womoae.”

EZEKEL 16:27

Tighenguno julo, I no I u chhopuwo no o lachile eno o saje kotha tsükeu kümghüve tsüae eno Philistiami ngaqo, khunono ow ghaghu ghale ghilisüqe ghenguno kujove akeno, o ghümi tipaqo lakimne lo no ikhiphepe tsüvae.

EZEKEL 6:14

I no panoqo shou I u chhopuwo nani, asayeqha lono Riblah kutolo panongu no küghüna akeu kümtsü küghüküghalei shipüsave tsü nani. Tileno panongu no Ni ye Ampeu kepi ithi nani.”

HOSIYA 7:10

Israel qheküza no pano zülo ashepe shitsü akeghi panongu ye Ampeu pano Lhou lau ideighi moe, tike kumono Pa phumove ke.

AMUS 4:10

“Egypt lo toi I no nongu shou püsa puwu no azütakikihi pesü now lhothemiqo pithive, eno now khurshi süxape wuve, nongu ghazü lo akumo kümna pesü nongu nigi lo sütsü; ikeghi nongu ye I lau ideighi moe,” ipi Ampeu no pi.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

AMUS 4:6

“Now mishighüna kümtsü lo I no ahu kimthe pesü tsüe, eno no kungo-a kümtsü lo asho küpüqü tsü keghi nongu ye I lau ideighi moe,” ipi Ampeu no pi.

AMUS 4:8

ikehu aphughi kini küthü lo küami no azü yenike aphughi lakhiu lo wu kemu aghapiqi lumoe; ikeghi nongu ye I lau ideighi moe,” ipi Ampeu no pi.

AMUS 4:9

“I no amülhü kushu ngo akughumho pesü nongu tsü; nongu ghutu eno atsailu kutomo, now mubuthi eno olive süboqo ye tülhaqu no külhüve; ikeghi nongu ye I lau ideighi moe,” ipi Ampeu no pi.

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

ZEFANIA 3:2

Li ye khuu sütsa mu ini chemo; eno shikithekütsü ikhilu chemoe. Li ye Ampeu pükhübe chemo; eno Alhou kupunu ighi chemoe.

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’