ISAIAH 8:7 - Sumi Naga CL (Re-edited) Bible (BSI)

⁷ julo, Ampeu no Aghoki zü kümka eno züqozü toikeu, Assyria kükau ngo paw ghüshimi kümtsü, sasü panoqo lau cheni. Tino azülaki eno aghoki mkü vesü ikughive nani,

BAIBEL (BSI)

⁷ ni, AMPEU no Asiriyami kukau ngo pa kumto ghushimiqo pelo Juda leighi peni cheni. Eufrati ghokino amuku yeli qoakeshi panonguno atshunazu toi yimu ighi nani.

ISAIAH 8:7 Iomraidhean Croise

BOTHUBO 6:17

Kughengu julo, atsütsü qholo timi lhoxü aküxü tuthu akeqo kümtsü kütsave nike ayeghi lo I no züqozü süghi nani. Ayeghi lo akeu thaqhü ye thive nani.

KUKAMI AKINIU 19:32

“Tighenguno Ampeu no Assyria kükau ghenguno piani: Pa ye mishighüna hipau lo iloghimo nani, apiji tile vesümo nani, azüto pesü ighimo nani, momu hipau lenike aqoghe shiqhemo nani.

EZRA 4:10

eno shiye kütami akijeu eno akiqheu Osnappar no haphe sasü Samaria mishighüna eno Aghoki Kukuu phughiqo lo xüsüvepe keqo no ye ani.

LESHELE 46:4

Alhouw mishighüna, Shishe Akiqheu kimthe ghüna-a lo alokivi qoipeighi chekeu ghoki lakhi ani.

LESHELE 72:8

Pa kükaqha ye azüghi lono azüghi kutolo apelo, eno Aghoki lono ayeghi shekha kutolo apelo!

ISAIAH 10:16

Ikehu aqokitikhi MPEU Alhou no paw ghüshimi chhikhoi keqo lau aphikiqi küsü puwu tsüno pa küakini qhoi ami no pitive nani.

ISAIAH 10:5

Aha, Assyria, I loghu lo peitha chekeu qheküsü pano u lo anie!

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

ISAIAH 7:17

Ephraim no Judah launo kütüta shive kethiu khilemu sholu mphi keu tüqhüdo lakhi Ampeu no no eno ow timi ngo o laghami shou süghitsü nani, ti ye Assyria kükau ke!”

ISAIAH 7:20

Tipani Ampeu no Aghoki kukuu Assyria kükau gholono piqe saghikeu pelo aqe pesü akütsüsa, apukhumhi, eno akichimhi kümtsü miyeleve tsüpe nani.

JEREMIYA 47:2

“Ampeu no ishi piani: Julo, ahuu no azü ithu cheni, tino züqo ghoki ilhouve nani; tino ayeghi eno tile akeu eno mishighüna lo xüküami kümtsü yimive nanie. Timiqo no ighamku nani, ayeghi lo küxümi no ighaqa nani.

JEREMIYA 51:42

Azüghi fukukucho no Babylon küzüpho luvae.

EZEKEL 26:19

“Kughengu Ampeu Alhou no ishi piani: Kughou I no o pesü pighive keu, timi küghünamo keu mishighüna toi shive tsüni keno, kughou I no azüghi pesü o shou puku no azü kije pesü o küzü luveni keno,

DANIEL 11:10

“Pa nuliqo no aghü küpüghü nani eno ghüshimi aqokitikhi lakhi hekütsü kumqo nani, tipaqo no qole-qole ighi nani, eno paw sükusho-a kutolo itaghi aghü shisü ighi nani.

DANIEL 11:22

Ghüshimi eno puloshoqhi kükapuu ghi pa zülono qhoi joleve eno kütsave nani.

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

AMUS 8:8

Hi ghenguno ayeghi ye itha moni keshea, tile akemi kümtsü mloqa moni keshea? Ayeghi kümtsü no Nile züghi toi fukucho ithughi no itaghi Egypt lo Nile züghi toi ikiqi ilo nani.”

AMUS 9:5

Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

MICAH 1:9

Kughengu li zaku ye shipivi kümlapu shivae, eno ti ye Judah lau ighivae; tipau ye Iw timiqow khagho eno Jerusalem tovae.

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

MICAH 5:5

Eno Pa no panow külakishiu shive nani. Assyriami no ni yeghi lo ighi no niw kükakiqo lo nesü kelo, nino pa shou ambekhemi tsüni eno kükapumi tache puwuni;

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

Luke 6:48

pa ye timi lakhi no aki shikelo ayeghi thonhei chhusü no atu shou aboqha shike toike. Kughou atshünazü ighi keno, züqozü ghoki no aki tipau lo chhepuku kemu ti ye akivishi mlapüa kehu süküghütha mlae.

Piyeküsü 17:15

Kungumi huno I vilo pi, “Aghoki khipaqo shou kütüqhaliu no iqa akeu nono ithulu püa keno tipaqo ye timi aqokitikhi, shiye eno atsa jeliqo ke.