ISAIAH 7:2 - Sumi Naga CL (Re-edited) Bible (BSI)

² Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

BAIBEL (BSI)

² Siriyami ghushimiye Israilmi ghakhuqhalo wo tovae pikeu tsa Juda lo akukau tokelo, pa eno pawu timiqoye thughuive eno panonguye amlhuno asubo fukini akeshi musa khokhoshive.

ISAIAH 7:2 Iomraidhean Croise

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

KUKAMI ATUGHIU 11:32

(ikemu I qeu David eno Israel shiaye dolono I no kishelu keu Jerusalem ghenguno, pa pelo ashiaye lakhi qhilu peni),

KUKAMI ATUGHIU 12:16

Kughou akükau no Israelmi kümtsü tsa initsü move keu ithive keno, panongu no pa khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo wovelo! David, o lagha julo.” Ikehu Israelmi no pütüta pusho lo wove.

KUKAMI ATUGHIU 13:2

Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

YEKIKITHI AKINIU 25:10

Tileno Amaziah no Ephraim lono ghüshimi ighi keqo aki lo puwove. Panongu no Judahmi shou amlo idesü aki lo wove.

YEKIKITHI AKINIU 28:12

Ephraimmi sakiphemi khami ghi aghüshi lono idewo chekemi lachile; tipaqo ye Jehohanan nu Azariah, Meshillemoth nu Berekhiah, Shallum nu Jehizkiah, eno Hadlai nu Amasa.

LESHELE 11:1

Ni ye Ampeu lau sükusho lucheni; no ye kishino I ngulho vilo, “Aghau toi ow naghuto lo yewuve lo,

AHOLE 28:1

Kixikilami ye khunomu pa hamo keghi pove cheni, ikemu kuchomi ye abongshuu toi amlo kumto shicheni.

ISAIAH 11:13

Ephraim nhekushu ye kühave nani, eno Judah peitha püsa kemi ye kütsave nani; Ephraim ye Judah jupe anheshumo nani, eno Judah ye Ephraim peitha püsamo nani.

ISAIAH 22:22

I no David laghamiw khaqhiyi pesü pa kuo lo betsü nani. Pa no khaqhi kelo khunomu khavemla, eno khave kelo khunomu khaqhimla nani.

ISAIAH 37:27

tipaqo lo küami no aghi-anhü thizümüi alomtshüpe alu lo atsüni, atsaneghu kümtsha, aki shou atsüni thuwu mphi lono phuqhive ketoive.

ISAIAH 37:35

Kughengu I je ghenguno eno I qeu David jelono I no mishighüna hipau süshope anani.”

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

ISAIAH 7:17

Ephraim no Judah launo kütüta shive kethiu khilemu sholu mphi keu tüqhüdo lakhi Ampeu no no eno ow timi ngo o laghami shou süghitsü nani, ti ye Assyria kükau ke!”

ISAIAH 7:5

Kughengu Syria no Ephraimmi Remaliah nu sasü o shou kixikila kuchughu ghi piani,

ISAIAH 8:12

“Timi hipaqo no kiu küsüqe ani keno ti ye kumoke tishi kevilo, eno panoqo no kiu msa ani keno msaighüve kevilo.

ISAIAH 9:9

Ephraim eno Samaria lo küami kümtsü no ithi nani, ikemu pano mlo lono qhezalaki ghi pi nani:

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

HOSIYA 12:1

Ephraim ye amülhü no loji ani eno atsala kupuju kipela mülhü papewu cheni; panoqo no kichile eno hekiqhi bukiqhi küghüsü; panongu no Assyria sasü puloshoqhi shi, eno thazü pesü Egypt lo wue.

MATTHEW 2:3

Kughou akükau Herod no hi chilu keno, Jerusalem aqha no pa gholo küqhano amlosave;