ISAIAH 66:4 - Sumi Naga CL (Re-edited) Bible (BSI)

⁴ Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

BAIBEL (BSI)

⁴ Tighenguno ino kutsakungo keu panoqo shou sughi nani, ti panonguno musa achekeu hu, kughengu milakhinomu ino kukeulo khochilemoke momu ino pikelo initsumoke. Panonguye ighobide eno alhoksa shini keu kisheluke.”

ISAIAH 66:4 Iomraidhean Croise

KUKAMI AKINIU 21:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu pape kelono pa ye Ampeu zülo kiu no axine keno ti shive.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

LESHELE 81:12

Ikehu pano no shinishi keu kükümsü pape wuve peniye I no pano pesü amlo kuthovi keu shive peke.

AHOLE 1:24

Ikemu I no nongu ku apülaghi nongu no ini tsümo, I u sükho kemu khunomu akhoto shitsümo,

AHOLE 10:24

Kixikilami no kiu msa cheni keno pano shou ighi nani, ikemu amikuchomi ye pano no laju chekeu ithulu nani.

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 59:15

Amikucho ye kühavae, timi khuu no alhoksa lono tsüghü wuveni keno, pa ye pa ampi pesü tsükuchupu lhoxü toi shivae. Ampeu no ti ithulu, eno achipiu xakütha kühakeu ithulu no Pa mlo qimove.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

ISAIAH 65:3

timi hipaqo ye tamomithe pekipheshi I xukutho cheni, aghutuqo lono aghashi cheni, eno pititu shou no akümllagho tsücheni;

ISAIAH 65:7

Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

JEREMIYA 35:17

Tighenguno, aqokitikhi Mpeu, Israel Lhou no ishi piani: Julo, I no shupheve ketoi Ni ye Judah ngo Jerusalem lo küghüna küami kümtsü shou kütsakungo süghini cheni, kughengu I no panongu vilo pi anamu panongu no initsü moe, I no panongu ku keghi panongu no khochile moe.”

JEREMIYA 7:13

Itehi ye, nongu no hi kümtsü shive kehu, Ampeu no asheshu, I no tamo mithe nongu vilo pi kemu nongu no ini tsümoe, eno nongu ku kemu nongu no khochile moe,

JEREMIYA 7:30

“Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

EZEKEL 11:8

Nongu no azütakikihi msa chenike I no azütakikihi nongu shou süghi nani, ipi Ampeu Alhou no asheshu.

EZEKEL 14:4

Tighenguno panoqo pütsa no pilo, Ampeu Alhou no ishi piani: Israel laghami khukhumu pa sü-atu julho pesü pa mlo lo xapu eno pa xine küpxalu kepu pa zülo qhi pülaghi tungkupu sasü kushoni ye ighi keu ye Ni Ampeu no asü-atu julhoqo ithulu keu qhemi khochile tsü nani,

EZEKEL 20:25

Tinguno alau, I no ayezah alomo keqo eno aküxüpu shimo kepu pimheyeqo panongu tsü,

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

SAMUEL ATUGHIU 8:19

Ikemu timiqo no Samuel tsa milive no agholu move. Panongu no pi, “Moe! Akükau lakhi ningu shou anani,