ISAIAH 66:2 - Sumi Naga CL (Re-edited) Bible (BSI)

² Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

BAIBEL (BSI)

² Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

ISAIAH 66:2 Iomraidhean Croise

KUKAMI ATUGHIU 21:29

“Ahab no kishi I zülo kuchuni ani keno ithulu anima? Pa no I zülo kuchuni ani kehu pa xüloye pa lau amhekiqipu puwu tsümoae; ikemu pa nu ghuloki lono pa kibolomi shou puwu tsüni.”

KUKAMI AKINIU 22:10

Tishino Shaphan no akükau vilo pi, “Achinetou Hilkiah no kaku hipau I tsüe.” Eno Shaphan no akükau zülono phisü.

KUKAMI AKINIU 22:11

Kughou Akükau no Ayezah kaku lo atsaqo hu chilu keno, pa no pa phi süxüve.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

EZRA 9:4

Tishino I no avela ghakishi kutolo apuchopungo iqa akelo Israel Lhou tsa chilu no khokhoshi chekeqo no akughu lono ideighi kemi küpülü küküha ghenguno I sühope ngove.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 119:161

Kükapumi no kütsazü lono I pishipuju ke, ikemu I mlo ye O tsa msaqhiyi acheni.

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

LESHELE 34:18

Ampeu ye amlo itamjui akemi kupunu ani eno aghungu lo chishedape akemi xalu cheni.

LESHELE 51:17

Alhou lau aghakishi ye aghungu lo mlominyi keu ke, O Alhou, No ye küghüta kughuju mlo jukünathave chemoe.

LESHELE 51:19

tishianguno No ye achipiu ghakishi, akipti kümllagho eno kuchopu kipti kümllagho shou alokiqi shilu ani, eno amshitsü pesü O kümlla khache lo mllalu nani.

AHOLE 28:14

Alhokuthu Ampeu sümsa chekemi ye akümghapue, ikemu amlo kümkami ye küsakusho lo ikiqive nani.

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

ISAIAH 40:26

Atsütsü lo jupukulo: khuu no hipaqo pulhosü kea? Khuu no aqokitikhi tijeje kihilu eno lakhikhi je ithi ani, khuu no pa kumto kije lono tipaqo lakhimu pühave chemo keno, Pa huno ke.

ISAIAH 41:20

tishikeu lono timiqo no ithulu no ithi peni, tsaqüi kümsükutoju no vethalu peni, tishikeu lono Ampeu u no hi shikepi ithi peni, eno Israel Lhou akimtheu no hipau lhophe kepi ithi penie.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

HOSIYA 11:10

Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

MATTHEW 12:6

I no nongu vilo piani, kiukela achineki nguno akijeu lakhi hile ani.

Apostolmi 7:50

I u no hi kümtsü mlake kumo?’

Apostolmi 9:6

Itehi ithu no mishighüna lo ilolo, eno kiu shimasa keno o vilo pini.”

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

Kolosiami 1:17

Pa ye thokha kümtsü züu, eno pa gholono thokha kime küqhape ani.