ISAIAH 66:15 - Sumi Naga CL (Re-edited) Bible (BSI)

¹⁵ Julo, Ampeu ye ami lono ighi nani, eno Paw khurkulu ye amülhü fuchighi ketoi ighi nani, Pa loghu puku nani, eno ami mili lono Pa no sakiyi nani.

BAIBEL (BSI)

¹⁵ AMPEU ye ami gholono ighi nani. Paye pano aloghu ide akemi ghimeqhinike pasapagha chishibo shou iku nani.

ISAIAH 66:15 Iomraidhean Croise

LESHELE 11:6

Kixikilami shou amibalu ghuqhi tsülo; ami, amichu eno pitipüza keu mülhü no pano saje shitsü lo.

LESHELE 18:9

Pa no atsütsü kiyeve no iqighi; aküzü kutho no Pa pukhu qholo ae.

LESHELE 21:9

Kughou Nono ipeghi keno panoqo pesü amiphoki miküqü toi shitsü nani. Ampeu no Pa loghu lono panoqo pühave eno ami no panoqo pitive.

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 68:17

Alhouw khurkulu ye qhethonhe chighi no ghuthu kini, qhethonhe no qhethonhe ani; Ampeu no tipaqo gholo ani; itehi Sinai ye akimthe-a shivae.

LESHELE 97:3

Ami no Pa züu shino Pa sümxape akeqo aghümi kümtsü pitiqhi cheni.

ISAIAH 10:17

Israel küvü huno ami ilhouve nani, eno Akimtheu huno ami mili shive no ghulo lakhi lono aghüsahubo pitivetsü nani.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 30:30

Ampeu no timiqo pelo Pa sütsa kümgha chilupe nani, eno Pa xukighide lono amiküqü, tsütsüpha tsütsüghu, pasapagha eno mürasü piqi keu ithulupe nani.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 31:9

Pano sükushou ngo kijemi no msa kelauno amchipu qhive no atuthu küha kuhave nani,” ipi Ampeu, khuu miküqü no Zion lo acheni keno, Jerusalem lo küau no shuphe ani.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

ISAIAH 5:28

pano piji ye mtsüsüi eno asüzü ye piqevae, panow khurshi pukhumtsü no atu kümka toi, eno khurkulu pukhu no miyitsü toie.

ISAIAH 51:20

O nuli ye qeive no ikiqivae; ashe no alichhe lo mepe akeshi, panongu ye alaghila kümtsü lo ihozü ngo ani; panongu lolo Ampeu loghu eno Pa no sakiyi keu no chhitoivae.

JEREMIYA 25:37

Ampeu xukighide ghenguno iqünhei akeu loji ye kütsalevae.

JEREMIYA 4:13

Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

JEREMIYA 4:3

Kughengu Judahmi ngo Jerusalemmi lau Ampeu no ishi piani: “Now chimove keu lu hokidelo, eno asahuli lo shosü kevilo.

JEREMIYA 46:15

Kushiye no ghütomi ye agi pishiqhope ani kea? Ampeu no panoqo hekuluve kehu panoqo ye puthugho amoe.

EZEKEL 38:17

“Ampeu Alhou no ishi piani: No ye khuu I no khaghi I qemi Israel lo tungkupmi vecheo pipüa keno tihuke kumo? Tipa ghuloki lo panongu no I no o sawo Israel lepe nani kepi ampe kutomo tungkuptsa piche.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

DANIEL 11:40

“Ashekha ghuloki lo apeu kükau no pa le nani, ikemu ahuu kükau no khurkulu, khurshimi, eno zükilu kutomo lono miyitsü toi pa shou ighi nani. Eno pa no aghakhuqo jole ighi no qhasü luve nani.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

HOSIYA 8:7

Panongu no amülhü yisü, ikemu miyitsü xolu nani. Aghibo puthughope akeqo ye aghipe movae; tipaqo ye athi pithimo nani; tsala tipaqo no pithi namu inaghami no chuvetsü nani.

AMUS 7:4

Ampeu Alhou no kiu I piye keno hike: julo, Ampeu Alhou no ami pesü küghakütha shiniye kusü ae, eno ami no akuthoku kije eno ayeghiqha pitile ae.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

HABAKUK 3:8

O loghu ye aghokiqo shou keshea, O Ampeu? Kughou Nono Ow khurshi eno xakulu khurkuluqo sa keno, O ghakighide ye azüghi shou akeo aghokiqo shou akea?

ZEKHARIA 6:1

Itaghi I no I nhethi tsükhope jukelo khurkulu bidi naghuto kini dolono ipeghi keu ithulu. Naghuto ti ye alazayi naghutoqo ke.

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

ZAKINIU 28:20

“No kümla lhoksa eno Ampeu milive ke ghenguno, nongu kütsave eno püghave moke kutolo Ampeu no nongu kümla küghütha kümtsü lo müsüini, kübangü keu eno amlo shikümka keu süghitsü nani.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.