ISAIAH 66:12 - Sumi Naga CL (Re-edited) Bible (BSI)

¹² Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

BAIBEL (BSI)

¹² AMPEU no pi, “Ino haumokepu kinikulu nongu lau sughitsuni; aghoki qotamoke toi ashiayehqo kinikulu nongu lau qoighipe nani. Anga lakhi azano tuchomujo, liuno khape eno kimiyeqhiyikeu tsuke toi nongu peitha nani.

ISAIAH 66:12 Iomraidhean Croise

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

ISAIAH 26:3

O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

ISAIAH 66:11

tishiaye nongu tuchohiju nani eno li kicheqho lono nongu lopiqitsü nani; li no shishe kupukuno shi akeu lono nongu ye alokivishi sholu nani.”

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”