ISAIAH 65:9 - Sumi Naga CL (Re-edited) Bible (BSI)

⁹ I no Jacob kughukomi saghi nani, eno Judah lagha lo naghutoqo lo ampemiqo saighi nani, I no kishelu keqo no ti qhasü luve nani, eno I qemiqo no tile küghüna nani.

BAIBEL (BSI)

⁹ Israilmi khunoqono Juda laghami keno ino panoqo kumghatsuni, panoqo laghano iyeghilo naghutoqha amheghi shi iyighilu nani. Ino kisheluvekemi timiqo; khunono iqechekeno panonguno tilehi kughuna nani.

ISAIAH 65:9 Iomraidhean Croise

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

ISAIAH 32:18

Iw timiqo no aloino, iqüghai akulhoqhilu keu, sükusho-a lo küghünauve nani.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

ISAIAH 65:22

Panongu no aki shiqhe no kütami no küghüna keu shimo nani; panongu no shosü no kütami no tipau chukeu shimo nani.

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

ZEFANIA 3:20

Kughou I no nongu hekütsüni keno tileno I no nongu sasü kümtsa aki lo ighi nani; kughengu ayeghi lo ashiaye kümtsü gholono I no nongu je pipitsü eno sheqhe nani, ti ye I no nongu nhethe lono no küakini tsüchile kelono tishi nani,” ipi Ampeu no pi.

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

Rommi 11:28

Itehi panoqo ye nongu Jewkumomi ghenguno Atsakiviu ghümi shi ani. Ikemu Alhou no kishephelu keu tsa loye pano puasüqo ghenguno panongu ye Alhou mlokuchuu ke.