ISAIAH 65:4 - Sumi Naga CL (Re-edited) Bible (BSI)

⁴ panongu ye akumona shou iqa, eno tuqhou-aqo lo puthotsü ngo cheni; panongu ye awoshi chu cheni, eno mithekumo shi kulhozü panow chithakhu lo ani;

BAIBEL (BSI)

⁴ Putholo panonguno atukilo ngo akumokilo kithimi ghungu sasu kusutsa kileniye wucheni. Panonguye awoshi chucheni eno tughachinelo lhoxu heqhi pe mllakeu shilhokeu zu yecheni.

ISAIAH 65:4 Iomraidhean Croise

IPEKULU 23:19

“O yeghi lo xathi amsüu akiviu pesü Ampeu o Lhou kilo süghilo. “No ye aneti lakhi pesü paza kichhizü gholono kumqho moni.

IPEKULU 34:26

Ayeghi lo pekighi amsüu akiviu pesü Ampeu nongu Lhou kilo peighi lo. Nongu ye aneti pesü tipau paza kichhizü gholono lhomoni.”

ISAIAH 66:17

Ampeu no sheshu ani, “Khunono aghutuqo lo tüghachine ghenguno aphi kimthe shicheni, eno tilau shekujo wucheni eno khunoqo no awoshi ngo ajifu eno aphikümqhüpu chuqupu chucheni keno, tipaqo ghenguno ye ashekha shiveni keu kupunuvae.”

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

EZEKEL 4:14

Tileno I no pi, “Aha Ampeu Alhou! Julo, ni ye khilemu ni ampi shikitiqe mphie. I lhothe lono itehi kutolo ni ye khilemu pakutoshi no thive keu momu tüghashi no tsüve keu chuju mphi momu shikitiqe keu shi I kichi lo sümphie.”

ACHINE 11:7

Awo ghi chumoni, kughengu ti ye apukhumtsü shoba kemu akhakile chemo kehu nongu ghenguno mithe movae.

ZEKHARIA 9:7

I no pa kichi lono aji luvetsü nani, eno ahu dolono aphikümqhüpu luvetsü nani; pa ghi ni Lhouw ghükulumi shive no Judah lo alagha lakhi toive nani, eno Ekron ye Jebusimi toive nani.

AKIKIHI 19:11

“Khukhumu akithi kumo diluve keu ye atsala tsüni ghenguno achinepu lo mithe move nani.

MATTHEW 8:28

Kughou Jisü no azüghi tüxau Gadarenes qhalo ighi keno, tüghami aphi lo ilove kemi timi kini akumo tuki lono ipeghi no pa sasü kusholu, hi pama ye ighono ayiküsashi ache kehu khunomu ti küdau püla mono ache.

Luke 8:27

Kughou Jisü no ashuka lono ipeghi keno, mishighüna lono timi lakhi, khuu tüghami no sa-ache keno, ighi no pa sasü kusholu. Pa ye ado kushuo lono aphimini pumo, eno aki lo kumono akumo kilive lo ache.

ZAKINIU 14:21

“Pakutoshi no thive keu lhoxü thaqhü ye chumoni. Tipaqo ye kachenami no gholo xüakemi no chuvepe, momu inaghami vilo jevelo. Kughengu nongu ye Ampeu nongu Lhouw akimthe timiqo ke. “Aneti shi pesü aza kichhizü lono lho kevilo.”

ZAKINIU 14:3

“Nongu ye aphikümqhüpu jeli kiumu chumoni.

ZAKINIU 14:8

Awoshi chumoni, kughengu awo ye apukhumtsü shoba kemu akhakile chemo kehu mithe moke. Lhoxü hipaqo shi chumoni momu tipaqo kithikumo bumoni.

ZAKINIU 18:11

momu ajojigha kipe, kithixashe, eno kithimi küsütsa keu,