ISAIAH 65:16 - Sumi Naga CL (Re-edited) Bible (BSI)

¹⁶ tishikeu lono aghakhu lo timi khuu no pa likhi pa kümghatsü keno, pa ye kuchou Lhou no kumghatsü nani, eno aghakhu lo timi khuu no ashoqhi shini keno, pa ye kuchou Lhou vecheo ashoqhi shi nani; kughengu wove keu küküpna ye kümsümavae, eno tipaqo ye I launo küsüvae.

BAIBEL (BSI)

¹⁶ Ikehu aghakhulo timi khuno kukumgha khuni keno kuchou Lhou pelo kumghatsu penike iniju nani. Khuuno ashoqhi shini keno kuchou Lhou jelono tushoqhi nani. Wovekeulo shiluksaqo huye cheve nani eno kumsumave nani.”

ISAIAH 65:16 Iomraidhean Croise

JOB 11:16

Nono o veküsa kümsümave nani; tipaqo ye züqozü no qowuve ketoi nono kümsülu nani.

LESHELE 31:5

I ghungu pesü I no O u lo kulhuqhi tsü ani; Nono I qhüchile luvae, O Ampeu, pükhükulupu Lhou.

LESHELE 63:11

Ikemu akükau ye Alhou lau no alovi nani; Alhou je lono tushoqhi kemi kümtsü no Pa sheqhe nani, Kughengu akimkimi kichi ye lakhave tsü nani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 19:18

Tipa tsala lo Egypt yeghi lo mishighüna pungu no Canaanmi tsa pi eno aqokitikhi MPEU papeni ke tushoqhi nani. Tipaqo gholo lakhi ye Khetsünhe Phughi ipi ku nani.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 65:19

Ni ghi Jerusalem shou alovini eno Iw timiqo shou alokivi shini; khunomu tilehi aküqa momu aghime ghügha chimla nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

Rommi 14:11

kughengu ishi yepüani, “Ampeu no pi, Ni xüküau zülo kümtsü no qhoqhünhe nani, eno ashiaye kümtsü no Alhou sheqhe nani.”

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

FILIPIAMI 2:11

eno Apu Alhou jekipipu shi kümtsü kichi lono Jisü Khristo ye Ampeu kepi piphe nani.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.