ISAIAH 64:2 - Sumi Naga CL (Re-edited) Bible (BSI)

² tipaqo pelo ami no asü lokaqo piti akeshi, eno ami no azü kumqho akeshi— tileno O ghümi pelo O je ithi penike, eno shiyeqo pelo O zülo khokhoshi msa peniye ke.

BAIBEL (BSI)

² Tipanoqoye ami kushu shou azu muqho akeshi itha nani. Ighilo eno oghumi lau okuka pephepiyelo eno ozulo ashiayehqo pelo khokhoshi musave pelo!

ISAIAH 64:2 Iomraidhean Croise

LESHELE 106:8

Ikeghi Pa no Pa je lono panoqo xaluve ke, tishikeu lono Pa no Paw akughushu küka pephe piye niye shike.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 79:10

Kushiye shiyeqo pelo, “Pano Lhou khile ani kea?” ipi apeni kea? O qemiqo ji pele keu mkhükulu ye ningu nhethe lono shiye kümtsü pelo ithi pelo!

LESHELE 83:13

O I Lhou; panoqo ye ayeghimkhu fukichighi toive pelo, amülhü zülo amuu toive pelo.

LESHELE 9:20

Aküighüpu lo panoqo süvelo, O Ampeu! Shiyeqo pelo panongu ye timi kepi ithi pelo!

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

IPEKULU 14:4

Eno I no Pharaoh mlo shikümkave tsüno pa no panoqo hawu nani, eno Pharaoh ngo paw aqokitikhi vecheo I no ajuküvü ithuluve nani, Egyptmi no Ni ye Ampeu kepi ithi nani.” Ikehu panongu no titoi shive.

ISAIAH 28:21

Perazim Toghi, Gibeon Khila lo toi Ampeu no paküta keu eno thosülo shichemo keu kümla shinike axuide ithughi nani!

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

AMUS 4:12

“Tighenguno I no hitoi nongu lau shini cheni, O Israel; eno I no nongu lau hi shini cheni kehu o Lhou sasü kushoni ke kutolo, O Israel!”

MICAH 1:4

Ami lono aghügha kümlave keshi naghutoqo no Pa zülo mlaghubeive nani, kunguu no azü peleqhi akeshi akhilaqo no iko ipeghive nani.

ZEKHARIA 14:4

Tipa tsalani Pa pukhu no Jerusalem kipelau akeu Olive Toghi lo nepe puthugho nani, eno Olive Toghi ye akhila kije lakhino kikije kini shi kipelau kulolau shivetsü nani, tishikeu lono Atoghi tüxa no ahuu iqe iqho eno tüxa no apeu iqe iqive nani.

ZAKINIU 2:25

Ishi tsala nguno I no atsütsü qholo nongu ghili chilu kemi ashiaye kümtsü pelo nongu msauve peni eno nongu zülo khokhoshi peni.’