ISAIAH 63:8 - Sumi Naga CL (Re-edited) Bible (BSI)

⁸ Kughengu Pa no pi, “Panongu ye Iw timiqo ke; I tianuli, kühakügha shimo nani.” Ikehu Pa no panoqow Xakuluu shive.

BAIBEL (BSI)

⁸ AMPEU no pi, “Panonguye iwu timiqoke; panonguye ipishiqhimo nani.” Ikehu panoqo ghime launo pano panoqo xalu.

ISAIAH 63:8 Iomraidhean Croise

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

LESHELE 106:21

Panongu no Alhou, pano Xakuluu, khuu Egypt yeghi lo thime kije mla,

IPEKULU 14:30

Ikehu tipa tsalani Ampeu no Egyptmi u lono Israelmi xaluve, eno Israelmi no azüghi mkülo Egyptmi thive keu ithulue.

IPEKULU 24:7

Tithiu pa no Puloshoqhi kaku ikhilu no timiqo pelo chilupe ghi phisü. Eno panongu no pi, “Ampeu no piqhive keu kümtsü ningu no shini, eno nino aghokulu shini.”

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 19:20

Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

ISAIAH 51:4

“Iw timiqo, tsaqüi I tsa inilo, Iw shiyeqo, akini kugho puwolo; kughengu azah lakhi I launo ipe nani, eno I no achipiu pesü timiqo ghenguno aküvü shitsü nani.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

ISAIAH 64:9

O Ampeu, ighono aloghuide kütü kevilo, eno alholo ni xine kümsülu tsü kevilo. Kimiyeno jutsülo ningu kümtsü Ow timiqo ke.

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

ZEFANIA 3:7

I no pi, ‘Mtsüqheino no ye I sümsa nani; no ye shikithekütsü ikhilu nani. Tishino o kungo-a ye kütsamo nani eno o shou aghime ighimo nani.’ Ikemu panongu no alaushi pano kümla shipüsa kithe auveke.

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

Rommi 11:28

Itehi panoqo ye nongu Jewkumomi ghenguno Atsakiviu ghümi shi ani. Ikemu Alhou no kishephelu keu tsa loye pano puasüqo ghenguno panongu ye Alhou mlokuchuu ke.

Ephesiami 4:25

Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

Kolosiami 3:9

Lakhino lakhi lau miki kevilo, kughengu nongu ye aküxü aqau lhoayeqo phevae,

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.