ISAIAH 63:1 - Sumi Naga CL (Re-edited) Bible (BSI)

¹ Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

BAIBEL (BSI)

¹ “Edom qhalo Bozra phughi lono chekeu hiye khuu kya? Huchuyilesu qhivutsuni ananu pepu eno akuka kumto lono ithachekeu huye khuu kya?” “Hiye AMPEU ke, akuka lono xalunike, eno pawu tokulu asheshu nike cheni.”

ISAIAH 63:1 Iomraidhean Croise

BOTHUBO 36:33

Bela thive, eno Bozrah lo Zerah nu Jobab no pa thisü luve.

BOTHUBO 49:11

Paw khurhati atsaibo lo tshü eno khurhali atsaibo akiviu lo tshüpe qhino pa no atsaizü lono pa phimini ishile eno atsaizü kuhu lono alouphi ishie.

YEKIKITHI ATUGHIU 1:44

Bela no thive kethiu pa nu Jobab no pa thisü luve.

LESHELE 108:13

Alhou vecheo ningu ye amlo kumto shinani; ni ghümi qodaveni keu huye Pa ke.

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

LESHELE 65:6

Pa küka lono Pa no naghuto ghope qhike, Pa ye akughushu küka xapu ani;

ALE KIMCHI 3:6

Asayeqha lono amchhi kupho toi, lhidimi u lo tsüngqüikeu mukhu müsüghüta eno tsüngqüikeu ta no phochighi akeshi iqhoche keu ye khuu kea?

ALE KIMCHI 6:10

Khuu no tsükutho tsütsü toi jupiqi, aqhi toi juvi, khetsünhe toi vüqai, ghüshimi no michiphi peche ketoi ani kea?

ALE KIMCHI 8:5

Asayeqha küdau no li lomi mungupe iqhoche keu huye khuu kea? Apple sübo qholono I no o küdaputhuke. O punuu o za ye tileno ihino o punuke.

ISAIAH 11:14

Ikemu küma küqhano kulolau Philistiami lewu nani, eno kipelaumi nhemgha xülepe wuve nani. Küma no Edom ngo Moab mhoqhive nani, eno Ammonmi no küma gholu nani.

ISAIAH 34:1

O shiyeqo, ini kepushi amlo tsüqhiyi kupunu ighilo! Ayeghi eno tile aküxü küa thaqhü; ayeghiqha eno tipau lono ipeghi kemi kümtsü no ini pelo.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 42:3

Pa ye ayeghü iho akeu hechhevemo nani, momu inhemimi akeu mi pinhevemo nani. Pa no kümtsü lau achipiu xakütha süghi nani.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

ISAIAH 45:23

Ni ampi no tushoqhivae; I kichi lono achipiu-mikucho shilo pivae atsa tipau ye ideighi monani: ‘Timi kümtsü no I zülo qhoqhünhe nani, eno amili kümtsü no I laumi shinike piqhi nani.’

ISAIAH 9:5

Leighi kemi pukhukuqho ngo aji hepho pinyive keu phimini kümtsü ami lono pitivetsü nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 48:24

Kerioth, Bozrah, eno Moab lo mishighüna aghacheu eno akupunu lo akeqo kümtsü.

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

EZEKEL 25:12

“Ampeu Alhou no ishi piani: Edom no Judah laghami shou amkhülu kelono akithipu shi ghüzave ke ghenguno,

EZEKEL 35:1

Ampeu tsa I lau ighi:

EZEKEL 38:17

“Ampeu Alhou no ishi piani: No ye khuu I no khaghi I qemi Israel lo tungkupmi vecheo pipüa keno tihuke kumo? Tipa ghuloki lo panongu no I no o sawo Israel lepe nani kepi ampe kutomo tungkuptsa piche.

Obadiah 1:1

Obadiahw kungunhetsü. Ampeu Alhou no Edom ghenguno pitsü: nino Ampeu launo atsape chiluvae, atsapeu lakhi shiyeqo gholo puwuvae: “Ithulo! Ningu li mjochile aghü shini nolo!”

Obadiah 1:9

Eno ow akumtomi ye aghüthi süve nani, O Teman, tishino Esau Naghuto lo timi kümtsü ghiqhi khave nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

MALAKI 1:2

Ampeu no pi, “I no nongu kimiye ke.” Ikemu nongu no pi, “No ye kishi ningu kimiye kea?” “Esau ye Jacob pamu kekumo?” ipi Ampeu no asheshu. “Ikeghi Ni ye Jacob kimiye

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

MATTHEW 21:10

Kughou Jisü no Jerusalem lo iloghi keno, aphughi lo kümtsü no, “Huye khuu kea?” ipi kügha ipeghive.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

Piyeküsü 19:13

Pa ye aji pusüsü keu chijeboike phi pepu, eno pa je pesü “Alhou Tsa” ipi kutsüe.