ISAIAH 61:3 - Sumi Naga CL (Re-edited) Bible (BSI)

³ Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

BAIBEL (BSI)

³ Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

ISAIAH 61:3 Iomraidhean Croise

ESTHER 8:15

Tishino Mordecai no akükau zülono atsüla ngo metsüghoi keu kükaphi, ameshoyi kütsükuqho kije, phephei eno hughai keu chijeboike phi pepusü wuve, eno Susa mishighüna lo akemi no ighamku alovie.

ESTHER 9:22

ti ye Jewmi no aghümi launo akulhoqhilu keu tsala, panongu mloghime pesü alokivi shilu keu, eno amloksa lono akulhokiqhi ithulu keu tsala shi ghi panongu pelo aghulhu eno alokivi shilu, achuqupu pesü kumlhomi lau eno lakhino lakhi lau tsükilelu peniye ke.

LESHELE 104:15

eno atsaizü no timiqo mlo lopivi tsü, thazü no timiqo gi vüqai lupe eno timi mlo shikumto tsüniye asho tsüke.

LESHELE 149:4

Kughengu Ampeu no Paw timi lau azüküvü acheni; Pa no xakulu pesü aqhokighemi nanu shitsü cheni.

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

LESHELE 30:11

Nono I mloghime pesü alokivi kighilhe shive tsüe; Nono Iw yeqhiyephi ikhiluve tsü, eno alokivi pesü I puuke,

LESHELE 30:12

tishino I juküvü no O sheqhe eno inaqhoive pemoe. O Ampeu I Lhou, ni ye alhokuthu shikimthi keu O tsü nani!

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

YETSAPIU 9:8

O phimini metsüghoi qhilo, thazü no o kütsüsa nupulo.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 26:2

Amikucho shiye, O pülü kemi no ilo penike khagho khaqhilo.

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

JEREMIYA 31:13

Tile ilimiqo no alovi ilhe nani, apumi eno layemi no alovi nani. I no pano mloghuju pesü alokivi lo süvetsü nani; I no pano lokughuno tsü, amloksa theli lo alokiqi tsü nani.

EZEKEL 34:29

I no panoqo ghenguno akighiche ghutu tsü nani tishikeu lono panongu ye pano yeghi lo akhüava shimo, eno shiyeqow küthakügha xapumo nani.

EZEKEL 47:7

I no idewo kelo aghoki xüsa lo asübo kutomo hukukuu eno hikukuu aghikeu ithulue.

ZEKHARIA 3:5

Tile I no pi, “Panoqo pelo tsüghükhüi keu kütsükükha phi pesü pa kütsü lo sütsü pelo.” Ikehu panongu no tsüghükhüi keu kütsü kükhaphi pesü pa kütsü küzütsü eno aphimini pipeve. Ampeuw kungumi no aphivilo puthugho ae.

MATTHEW 15:13

Pa no khochile, “I Pu kungugha lo akeu no shosümo keu sübo thaqhü nhüve nani.

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

Luke 15:22

Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

1 Kor. 3:9

Kughengu ningu ye Alhou kümlapu lo mlaküqha chekemi; nongu no Alhou luza eno Alhou ki.

1 Kor. 6:20

kughengu nongu ye ame no qhüluvae. Tighenguno nongu phimpi lono Alhou juküvüpu shilo.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.