ISAIAH 61:2 - Sumi Naga CL (Re-edited) Bible (BSI)

² Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

BAIBEL (BSI)

² AMPEU no ipuwuke eno pano pawu timi xalunikeu eno pano ghumiqo haleve tsunikeu ghuloki ighivekeu asheshu peniyeke. Pano ipuwuke eno muloqa akemi kumtsu lokughunotsu,

ISAIAH 61:2 Iomraidhean Croise

ISAIAH 1:24

Tighenguno Ampeu, aqokitikhi MPEU, Israelmiw Akughushuu no shuphe ani: “Ah, I no nongu I ghümi shou I loghu pukuni eno panongu shou amkhü luni.

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 34:2

Kughengu Ampeu ye shiyeqo eno pano ghüshimi kümtsü shou axuide ani, Pa no tipaqo kütsave penike ikhipe tsüvae.

ISAIAH 34:8

Kughengu Ampeu no amkhü lutsü nike, Zion ghenguno tha-lo tsünike ado kughu püani.

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

ISAIAH 40:1

Iw timiqo lokughuno tsülo, nongu Lhou no piani, alokughuno tsülo.

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

ISAIAH 58:5

Timi lakhi no kümvü keu lono aqhokigheu shilu aye, Ni ye titoi kümvü keu ikhilutsü cheni ke kumo keshea? Ikemu nonguw kümvü keu ye ayeghübo no ihoiqi keshi, momu yeqhiyephi ngo ayevu shou ihozü keu no keshea? Nongu ye hitoi keu pesü kümvü keu momu Ampeu no ikhilutsü keu tsala kepi kümsü ani keshea?

ISAIAH 60:10

Inaghami no nongu liwoqo shiqhekithe nani, eno panow kükamiqo no nongu huthu nani; kughengu I xukighide lono I no nongu ghimeqhi, ikemu Iw küpükini lono I no nongu kipimi qhitsüke.

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

JEREMIYA 31:13

Tile ilimiqo no alovi ilhe nani, apumi eno layemi no alovi nani. I no pano mloghuju pesü alokivi lo süvetsü nani; I no pano lokughuno tsü, amloksa theli lo alokiqi tsü nani.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

MICAH 3:8

Ikemu I ghengu ye, Ampeu Ghungu küka eno kuchou xakütha ngo akumto no I shepichhipe ani, ti ye Jacob vilo paw hekibide eno Israel vilo pa xine piniye ke.

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

Luke 4:19

eno Ampeu no saphuni keu mpe sheshu peniye ke.”

Luke 6:21

“Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

2 Kor. 6:2

Kughengu Pa no pi ani, “Ikhikulupu ghuloki lono I no nongu sütsa initsü, eno xakulupu tsala lono I no nongu kuphue.” Julo, itehi no ikhikulupu doke; itehi no xakulupu tsalae.

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.